Tapaleuk : Su Talalu Mandidi

Tapaleuk : Su Talalu Mandidi

POS-KUPANG.COM--Ama Tobo ini hari rencana mau pi pasar hewan, dia mau cari ayam bibit ko mo piara. Andia ko mas papagi dia maniso mo jalan.

Ini hari ju dia musti pi iko pertemuan karna dong pung tetangga ada yang jadi DPRD na ko ada reses dekat dong rumah‎.

Ina Feok ada tasibu bikin kue ko mo bajual di dong pung muka rumah.

"Ama lu mo pi mana ko su siang bagini  sonde di rumah ko apa,"  Ina Feok su mengomel dia pung laki.

Ama Tobo sonde pusing te dia su nekat mo beli ayam soalnya dia pung kawan su bajanji mo pi pasar hewan. 

Baca juga: Ikatan Setukpa Polri Angkatan 50 Gelar Bakti Sosial Di Kota Kupang Dengan Cara Berbeda

Ternyata Ama Tobo balom jalan te Bai Ndu su datang . Bai Ndu bastel mati pung deng pake kacamata hitam.

Ina Feok yang liat Bai Ndu su datang te dia mulai sangaja buang bahasa ke dia pung laki. "Ama beta su tao lu pung otak, biasa pas ada kerja di rumah baru lu mulai ilang.

Lu tao ko sonde, sebentar sore lai bosong mo bajalan pi iko orang tapat ko apa ko," Ina Feok bangun ko su pi bajual kue.

Ama Tobo langsung ajak Bai Ndu ko pi pasar sana. 

Ina Feok masih bajual ko balom abis te Bai Ndu deng dia pung laki su turun dari motor.

"Bosong dua pi bikin apa sa ko cepat," Ina Feok tanya Tobo.

Tobo hanya senyum ko maso dalam rumah.

"Ama lu kamarin ada dengar ko sonde sakarang mata aer dong su mo karing te panas bagini," Bai Ndu tanya Tobo.

Baca juga: 80,09 Persen Warga di Kota Kupang Telah Terima Vaksin Dosis I

"Betul beta langsung inga pas lu omong bilang aer kering. Katong pung kolam dong ju su mo karing. Jadi kal son ujan satu bulan na   bararti son ada carita," Tobo langsung sambung Bai Ndu.