Breaking News:

Ama Tobo Minta Pilih Sesuai Nurani

Bosong pi sa. Beta sonde iko. Jangan takut kalah. Kalau bosong pung bos bagus, pasti masrakat pilih. Suruh dong pilih sesuai nurani.

Penulis: Sipri Seko | Editor: Sipri Seko
ILUSTRASI/POS KUPANG
Tapaleuk Pos Kupang 

AMA Tobo kena ajak supaya turun pi Sabu. Bilang di sana mau pemilu ulang. Ada angalai satu mau bawa dia. Ama Tobo su terkenal jadi tim sukses di mana-mana.

Tau to. Mulut lahir lebih dulu. Jadi kalau dia omong ko lu sambung, artinya dia akan makan lu bulat-bulat. Su tusuk abis dia pung jago baru lu sadar, kalao Ama Tobo su berhasil pengaruh lu.

Ma ini kali Ama Tobo sonde mau iko. Baitua su tau. Biar Sabu daerah baru, ma di sana su canggih. Ama Tobo pung pakaneo bisa jadi masalah. Tasalah kena hiki ko masuk bui fare. Apalai polisi tentara su ponu di sana tu. Sapa beken tasalah, su pasti dong kas selesai.

"Bosong pi sa. Beta sonde iko. Jangan takut kalah. Kalau bosong pung bos bagus, pasti masrakat pilih. Suruh dong pilih sesuai nurani. Beta yakin ama dong pung kerja selama ini sonde akan sia- sia."

Angalai satu diam sa. Padahal dia su siap doe satu kaboak mai pung ko bawa orang dari Kupang. Terakhir jalan kosong. Ma dia sonde lupa Tuhan. Doa ko semoga pemilu jalan damai, aman dan lancar. **

Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved