Breaking News:

Tarima Kasih Polisi

Lu mus trima kasih sang Pak Polisi dong. Orang dong pi suntik ang. Besok beta mus bangun pagi ko pi tepa lai.

Penulis: Sipri Seko | Editor: Sipri Seko
ISTIMEWA/POS-KUPANG.COM
News editor Pos Kupang, Sipri Seko (penulis Tapaleuk) menerima penghargaan dari Kapolda NTT. 

INA Feok su berapa hari simpan dalam hati sa. Ama Tobo pung kelakuan su lebe-lebe. Bayangkan, ojek apa ko pulang su amper pagi. Buntianak dong ko yang dia muat amper siang.

Pas tengah malam, Ina Feok coba telepon. Ternyata ada satu perempuan yang jawab. Nomor yang anda tuju sedang sibuk. Mamtua nae darah. Pasti dia di perempaun ni. Ama Tobo ada simpan parampuan.

Ina Feok su siap memang lalepak. Mamtua konci pintu semua. Dari muka sampe balakang. Jandela ju konci baru titi paku lai. Pokoknya ini malam Ama Tobo musti dapa ajar.

Pas amper siang, Ama Tobo pulang. Bisa seti sa, pintu su tabuka. Ma ini kali, Ama Tobo muku ju pinto takonci. Mamtua su tahan napas di dalam kamar. Sonde tahan Ama Tobo batareak. Ina Feok diam sa. Ma takut tetangga dengar, mamtua bangun ma bawa memang lalepak.

Ama Tobo su tau. Pas Ina Feok muncul, baitua akal-akal ko sangaja itong doe. Mamtua mau mengamok sonde jadi lai. Doe merah samua na. Ma karena su talalu jengkel, mamtua batareak.

"Lu jang mangamok. Lu mus trima kasih sang Pak Polisi dong. Gara-gara dong beken vaksin di mana-mana, beta dapat penumpang talalu banyak. Orang dong pi suntik ang. Besok beta mus bangun pagi ko pi tepa lai." **

Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved