‎Tapaleuk : Bai Ndu Dapa Abate dari Petugas

‎Tapaleuk : Bai Ndu Dapa Abate dari Petugas

POS-KUPANG.COM--Ina Feok bangun amper siang karna dia musti bamasak kasi dia pung laki. Balom lai dia musti pi jual ikan di pinggir jalan sana yang dia su pesan tadi malam.

"Ama bangun su te beta su mo pi bajual. Kalo bangun na liat makan ko makan, beta ada buru-buru supaya ini ikan dong bisa laku," Ina Feok langsung jalan karna takut sadiki lai su hujan.

Tobo bangun dia langsung makan karna dia tadi malam sonde makan.

"Ama kanapa lu baru bangun, biasa jam bagini lu su jalan. Lu ada sakit ko," Bai Ndu su togor Ama Tobo.

"Sonde ama, beta ada pikiran te sakarang katong ada tugas talalu banya. Apalai sakarang musim hujan," Ama Tobo maso di dapur ko buat kopi kasi dia deng Bai Ndu.

Dong dua ada bacarita te Ina Feok su pulang basa-basa.

• Peringati Hari Gizi Nasional dengan Bazaar, Pameran Olahan Pangan Lokal dan Konseling Gizi

• Bupati Timor Tengah Utara Raymundus Fernandes Imbau Pelaku Pasar Perhatikan Kebersihan

"Ina, ini hari pulang sedu e,ikan mungkin cepat laku o," Bai Ndu sengaja togor dahulu.

Ina Feok yang su tao, sangaja diam ko langsung masok simpan keranjang di dalam.

"Ama, sakarang ini ikan mahal, jadi orang banya yang cari ikan pagi soalnya ikan susah na," Ama Tobo yang jawab Bai Ndu.

Ina Feok yang su tukar pakaian ko sonde barenti capek lai te su dudu deka Tobo.

"Ama ko tadi bilang mo jalan na kanapa balom jalan ju," Ina Feok tanya di Tobo.

Bai Ndu yang ada su perasaan, jang sampe Ina Feok bilang gara-gara dia datang ko Tobo son jadi jalan.

"Ama lu mo pi mana na kenapa son kastao dari tadi supaya katong jang bacarita lai," Bai Ndu omong pelan-pelan.

"Ama lu tao ko sonde, sakarang ini ada musim ujan ko ada banyak nyamok. Mulai kemarin Katong deng petugas ada bajalan bagi itu bubuk yang sama ke bibit roti itu," Ama Tobo sonde tao abate.

Ina Feok ada dengar ko dia senyum-senyum sa, abis dia kaluar ko kastao bilang itu bubuk abate untuk kasi mati nyamok dong.

• Peringati Hari Gizi Nasional, Puskesmas di Belu Berlomba Buat Makanan Bergizi

• Kepala BBPP Kupang Ingin Seluruh Drainase Kantor Jadi Kolam Ikan Lele

"Ama yang bosong bantu bagi itu bubuk nama abate jadi kalo orang tanya bilang abate ko jang bikin malu saat," Ina Feok omong bagitu karna Tobo ju jadi kader promosi kesehatan di kelurahan.

Bai Ndu yang juga dengar langsung jawab bilang dia di rumah ada petugas ju yang pi babagi itu abate. "Beta tadi su dapa bagi Ada petugas bawa pi rumah abis dong data nama deng jumlah tampungan air," Bai Ndu bangun ko mo pamit.

Ama Tobo yang dengar terpaksa dia mulai omong.

• Dua Hari Terakhir, Kabupaten Lembata Alami Krisis BBM

"Bai Ndu lu dengar dolo, sakarang pemerentah ada rencana bagi abate menyeluruh,nanti karmana ada kasi asap ju. Memang katong samua harus dukung supaya katong jang kena demam," Ama Tobo bangun sorong kopi kasi Bai Ndu. ‎(oby lewanmeru)