Tapaleuk : Gara -gara Doi Parkir

POS-KUPANG.COM--Mulai ada tempat-tempat belanja ‎di Kota Kupang, banyak juga muncul jaga parkir. Kebetulan Ama Tobo ju selama ini ada jaga parkir di satu swalayan.

Ini hari tao kanapa ko Tobo balompi jaga parkir ju. Ina Feok su kasbangun ma baptua tidor tarus.

"Woe ama lu tadi malam buat apa ko matahari su di atas kapala ju lu balom bangun," Ina Feok batareak kuat-kuat.

Padahal Ama Tobo su sadar ma dia balom mo turun dar tampa tidor.

Pas Ina Feok mo pi kas bangun te Bai Ndu ada togor di muka rumah, jadi Ina Feok suru dia masok.

"Ama masok ko duduk dolo,Tobo ju balom bangun ini," Ina Feok ada siap kopi kasi Tobo supaya bangun na langsung minum.

Karna pas ada Bai Ndu, Ina Feok langsung buat kopi dua gelas.

• SEDANG BERLANGSUNG Live Streaming RCTI Fulham vs Tottenham Hotspur di Liga Inggris

• Ramalan Zodiak Senin, 21 Januari 2019, Capricorn Alami Gangguan Komunikasi dengan Kekasih

"Ina beta kemarin ada baca koran itu bilang pak walikota ada ganti pejabat di Dinas Perhubungan sana, Baptua kasi berenti dar jabatan karna bilang ada kasus setoran uang parkir ko," Bai Ndu ada pegang korang ko kastujunk Ina Feok.

"Adoh ko kenapa bagitu ama, jang sampe Tobo pung bos ju dapa masalah ko,"Ina mulai bacarita‎ deng Bai Ndu.

"Katong balom tao, soalnya di koran bilang ada masalah uang parkir. Kalo yang beta tao, tukang parkir dong sonde tao apa-apa, dong kan ada bos sendiri," Bai Ndu jelaskan ke Ina Feok.

"Itu su,salama ini Tobo jaga parkir dia iko aturan,dia pake rompi, tanda pengenal ju ada pentungan yang biasa malam menyala tu. Mungkin dong pung bos yang son setor kepemerentah, " Ina jalan pi dapur lai.

Ama Tobo yang dengar, dia sengaja bergerak ko tiba-tiba bangun.

• Pemerintah Kabupaten TTU Akan Merelokasi Pemukiman Warga di SP 1 dan SP 2

• Marion Jola Pamer Foto Mesra dengan Julian Jacob, Netizen: Cocok Banget

"Ama lu dengar ko sonde kasus di Kota tu,pegawe di dinas perhubungan kana barenti bilang gara-gara uang parkir," Bai Ndu tanya Ama Tobo.

"Begini ama, be mo kastao e, katong petugas parkir itu su banyak yang terdata jelas, iko atoran. Hanya ada yang sonde iko atoran,baru dong bukan petugas yang sebenarnya," Tobo cerita di Bain Ndu.

"Ama lebe bae mulai besok ‎, iko itu aturan sa. Kastao kawan dong ko pake rompi, pegang karcis, supaya orang son ragu lalu tanya katong, "Bai Ndu sama ke mo nasehat Ama Tobo.