Makan Tasalah Apa

POS-KUPANG.COM - Ina Feok ini pagi terlambat jadi dia pi pasar su agak siang. Karna itu dia agak pemalas.

Mamtua bangun ju sonde toe buat kopi kasi dia ping laki ko dia langsung jalan pi pasar.

Pas dia bale belakang, te Bai Ndu su muncul di depan rumah. Bai Ndu dar tadi ada maloi -maloi makanya pasa mamtua nae ojek, dia langsung merapat di Ama Tobo.
"Ama e, lu balom bangun ko. Ini hari beta su janji deng beta pung kunyadu yang ada buka warung RW. Kalo ama son keberatan katong dua pi,"

Baca: BERITA TERPOPULER - Ramalan Zodiak Malam, Sosok Aldo Longa Hingga Meninggalnya Cucu Wiranto

Baca: Drakor Terbaru Boyfriend Akan Segera Tayang November 2018, Penasaran? Catat Tanggal Penyangannya

Baca: Inilah 5 Hal yang Bisa Kita Pelajari dari Film BTS: Burn The Stage

Bai Ndu su rayu Tobo, karna dia liat Tobo pung motor ada parkir di emper.
Dalam hati Bai Ndu bilang kalo beta pi sandiri pasti uang takor, lebe bae beta ajak Tobo.

Tobo yang masih ulik mata, langsung bangun duduk karna dia dengar Bai Ndu ajak pi cari RW.

"Awe ama, su dengar ko balom te tadi pagi beta ada dengar orang dong baca koran ko baomong bilang ada orang makan tasala apa ko perut saki," Ama Tobo jawab Bai Ndu.

Bai Ndu yang son kehilangan akal, dia bilang dia juga tadi su dengar tetangga dong baomong juga na.

"Ama, beta sekarang su taku makan sembarang, ma kalo RW yang biasa itu aman," Bai Ndu rayu Tobo.

Ama Tobo masih garu-garu kepala soalnya dia takut te tadi banyak orang omong bilang ada guru-guru dong maso rumah sakit karna tasalah makan.

"Bae su ama, kalo begitu katong sonde usah pi cari makan lai. Katong cari marungga ko masak makan sa," Tobo ingat program pemerintah soal tanam marungga. (oby lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang