Beta Mabok

BETA minta maaf, te beta mabok. Jang marah ee, kalo beta salah. Beta tadi sonde liat lobang na. Pas beta mau belok, beta lari nae lobang. Jang marah te tadi beta minum lari."

Ama Tobo pung badan ponu deng abu. Baitua lari nae lobang di bok, ko tatidor deng motor metik di atas alang-alang karing. Bangun badiri, Ama Tobo sonde liat kaki ato tangan luka ko sonde, baitua manuju botol palastik.

"Ini beta pung laru tadi minum ko kas sisa. Ontong botol palastik jadi sonde pica. Jang mara ee, beta memang minum sadiki na."

Ini orang dong yang angka Ama Tobo mo marah ju rasa lucu. Bangun sonde liat motor rusak ato kaki ada pata ko sonde, Ama Tobo cek botol laru ada picah ko sonde.

Orang masi babingung, Ama Tobo dorong motor maju pi muka. Sese kas masok laru deng botol di laci, baitua fuik tamba lai. Badan dong ponu deng abu mera, ma Ama Tobo sonde kebas ju.

Liat itu lobang, orang kampung dong langsung pikol tana ko tutup. "Kalo balom aspal, kitong tutup sa. Jang sampe ada yang jato lai, na repot su. Ontong tadi orang mabok, jadi sonde rasa saki." **