Berita Tapaleuk

Tapaleuk : ‎Katong Musti Urus BPJS

Bai Ndu mengerti kalo bagitu biasa orang bilang ada sinting ato gila. Bai Ndu panasaran ‎ko mo liat Ina Feok yang su gila.

Tapaleuk : ‎Katong Musti Urus BPJS
GRAFIS POS KUPANG/TYA MEOK
ilustrasi 

POS-KUPANG.COM--Ina Feok pung kepala ada sakit ko mamtua suru Ama Tobo urut dia pung kepala. Ina Feok kalo su sakit bagitu, sonde ada yang pi bajual di pasar. Mo harap Ama Tobo,dia bajual habis di musti singga pak laru na.

Ama Tobo ju ini hari son bajalan pi mana-mana karna harus jaga Ina Feok.

"Ama lu ini hari buat su, karmana katong dua pi cek kerja di bundaran sana,jang sampe dong masi tarima tukang," Bai Ndu btareak dari luar ko dia sonde tao kalo Ina Feok ada sakit.

Ama Tobo maloi dar jendela ko taro jari di mulut. Bai Ndu su tao kalo bagitu berarti Ama Tobo suru tenang. Bai Ndu juga son mo kalah, dia angkat dua tangan ko palang di muka. Dia mo sen Tobo ko barenti karja.

Ama Tobo bingun karna umur-umur baru liat orang sen bagitu. Karna Bai Ndu palang tarus dua tangan‎ di muka.
Ama Tobo su emosi,ko dia ju sen deng cara buat tanda silang pake jari di testa.

Bai Ndu mengerti kalo bagitu biasa orang bilang ada sinting ato gila. Bai Ndu panasaran ‎ko mo liat Ina Feok yang su gila.

"Ama, Ina Feok su gila dar kapan," Bai Ndu batereak kuat-kuat karna dia tao kalo orang gila sonde mengerti.

Karna Tobo son manyao, Bai Ndu ‎geser dekat pinggir rumah baru batareak ko tanya lai.

Ama Tobo tahan napas stengah ‎mati, karna dia pung maksud itu Ina Feok ada sakit kapala ma Bai Ndu salah terjemakan bilang gila. Dia takut Ina Feok dobel dong.

Ina Feok ‎langsung bangun bardiri. "Ama tadi sapa batareak tanya beta bilang gila. Beta dengar suara sama ke Bai Ndu.

Halaman
12
Penulis: Oby Lewanmeru
Editor: Rosalina Woso
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved