Tobo Su Mulai Ukur Jalan

POS-KUPANG.COM - Ina Feok bangun amper siang karna dia musti bamasak kasi dia pung laki. Balom lai dia musti pi jual sayor yang dia su pesan tadi malam.

"Ama bangun su te beta su mo pi pasar. Kalo bangun na liat makan ko makan, beta ada buru-buru supaya bisa dapat tempat bajual," Ina Feok langsung jalan.
Tobo bangun dia langsung makan karna matahari su nae tinggi.

"Ama kanapa lu baru bangun, biasa jam bagini lu su jalan. Lu ada sakit ko," Bai Ndu su togor Ama Tobo.

• Ramalan Zodiak Pisces di Minggu ini - Dengan Sedikit Ketegasan, ini yang Bakal Terjadi di Hari Jumat

• Jadi Drama Korea Pertama yang Tayang di Youtube, Ini 4 Fakta Drakor Top Management

• Jin BTS Ulang Tahun, Member BTS Tertua Tapi Masih Kekanak-Kenakkan, Ini Faktanya

"Sonde ama, beta ada pikiran te sakarang katong ada tugas talalu banya. Apalai sakarang musim hujan," Ama Tobo maso di dapur ko buat kopi kasi dia deng Bai Ndu.
Dong dua ada bacarita te Ina Feok su pulang.

"Ina, ini hari pulang sedu e,sayor cepat laku o," Bai Ndu sengaja togor dahulu.

Ina Feok yang su tao, sangaja diam ko langsung masok simpan keranjang di dalam.

"Ama, sakarang ini ikan mahal, jadi orang banya yang cari sayor," Ama Tobo yang jawab Bai Ndu.

Ina Feok yang balom barenti capek su datang dudu deka Tobo.

"Ama ko tadi bilang mo jalan na kanapa balom jalan ju," Ina Feok tanya di Tobo.

Bai Ndu yang ada su perasaan, jang sampe Ina Feok bilang gara-gara dia datang ko Tobo son jadi jalan.

"Ama lu mo pi mana na kenapa son kastao dari tadi supaya katong jang bacarita lai," Bai Ndu omong pelan-pelan.

"Ama lu tao ko sonde, sakarang ini ada proyek banya karna su mo habis taon. Biasa bagini pemerentah dong proyek talalu banya, sampe ada yang tiap hari hanya jalan sa," Ina Feok mulai bongkar su.

Bai Ndu ada bingung-bungung karna dia sonde tao Ina Feok pung maksud omong proyek.

Ama Tobo yang dengar terpaksa dia mulai omong.

"Bai Ndu lu dengar dolo, sakarang pemerentah ada rencana bagun jalan ma khusus jalan yang status jalan provinsi. Dong target tiga taon, makanya katong sakarang ada turun lapangan ko mulai baukur itu jalan dong," Ama Tobo jelaskan ke Bai Ndu.