Baca tanpa iklan
Nanti lama-lama rame ramemasok panjara, karena rekanan son kuat lagi perbaiki paroyek yang hancor di masa pemeliharaan.
Mo alsanpi force mayor, tapi sonde ada bencana. Nantimulai paksa pak bupati ko tanda tangan surat paroyek ada bancana alam. Padahal sonde ada force mayor.
Jadi inga bae bae ana bini di ruma, ohhh karja yang jujur eeee.
Baca juga: Kuliner Khas NTT, Gantikan Nasi deng Roti Mix Parkadel ala Ferry Ndoen, Lecker Bos, Ini Rasanya
Sadikil ai kitong su masok awal bulan Ramadan ato awal bulan suci Puasa tanggal 21 Maret b.
Abis itu selama satu bulan kitong masuk bulan puasa dan tanggal 20 April nanti kitong su masuk Idul Fitri atau masuk Lebaran,bulan yang penuh berkah.
Setelah lebaran sonde lama kitong su masuk semester kedua tahun 2023. Weeehhh…. Ini perjalanan waktu pung makamiung laiii.
Kitong kembali ke menu masakan yang akan kitong buatini hari dan kitong nikmati.
Memang kalo kitong makan sayur mayur dan pi pasr tiap hari ju capek eeee….
Kadang kitong buka kulkas su kosong. Memang kulkas harus dibersihkan juga dan di lap bersih biar ko sonde bajamur.
Jadi saatk itong cabut kulkas dan sonde pi pasar, ini pasti kitong ju bingung mau makan apa.
Dan makanan yang paleng cepat yangbisa kitong buat yakni, masak mie instan.
Biasanya mie instan kitong masok campur dengn telor.
Bisa kitong taruh telor goreng mata sapi atau telor goreng dadar.
Bisa ju mie instan kitong kitong masak dan kocok langsung telor dalam mie.
Tapi beta lebe suka masak instan taru sayur daun prei dan telor.