Baca tanpa iklan
Laporan Wartawan Pos Kupang.Com Ferry Ndoen.
POS-KUPANG.COM - Beta kali ini mau sajikan menu kuliner khas ntt berupa bakar ikan belang kuning.
Karena su ada rencana maka beta mas pagi hari su menuju ke TPI Oeba, di Kelurahan Fatubesi, Kecamatan Kota Lama, Kota Kupang.
Kebetulan beta lagi offf, jadi masi pagi hari abis antar anak ke sekolah beta sia mluncur ke Pasar oeba.
Beta su rancana memang mau bakar ikan belang kuning. Rencananya mo bikin api ra'o ko bakar di rumah.
Tapi beta hitung hitung ribet dan capek. Mendingan beta beli abis itu ikan ko beta bwa pi tampa panggang ikan ko tinggal bayar sa.
Di lokasi Pasar Ikan TPI Oeba, beta cek harg, awi pung mahal laiii.
Satu ekor ikan belang kuning sedang ini pedagang dong jual deng harga Rp 35 ribu.
Beta tawar Rp 25 ribu sa dong sonde mau kurang. Beta hitung hitung, biar su beta beli ame tiga ekor ko bikin jadi stok untuk masakan kuliner khas ntt bisa sampe 3 ato ampa hari.
Jadi, beta beli ame tiga ekor ikan deng harga Rp 90 ribu.
Dua ekor beta lari bawa me ke tampa panggang ikan di lokasi panggang ikan di Kalapa Lima, dpan Hotel Aston Kupang.
Satu ekor lainnya beta simpan untuk cadangan bikin menu ikan lainnya.
Ini ikan dong su panggang, jadi beta tingga siapkan sa nasi panas deng sambal.
Beta iris ame ini jeruk nipis beta poa campur dengn kecap asin dan lombok.
Satu sambal lainnya beta iris ame ini jeruk nipis lalu beta poa ame ini kecap manis dan lombok.