Kuliner NTT Kacang Goreng Garing Kawan Minum Kopi Pahit Timor Di Taon Baru 2024 Cum Omon Omon

Laporan Wartawan Pos-Kupang.com, Ferry Ndoen

POS-KUPANG.COM - Skarang ini masih dalam suasana ato konteks taon baru 2024. Dan suasana taon baru 2024.... nanti sampe tanggal 31 Januari 2024.

Jadi katong ikuti alur dan ritmen waktu.... biarkan samua mangalir spert aer sa.

Sonde usa dan sonde bisa paksa kehendak. APalai skarang masi awal taon 2024, samua program masi mandek alias balom bagarak ato bajalan.

Sammua staf proyek masi dudu nganga dan dudu manis, balom bisa bekin apa apa karena memang balom ada SPK ato surat perintah karja yang kaluar/terbit.

Banyak program yang masih uba sana ubah sini untuk penyesuaian dengan situasi dan kondisi ato masi mau addendum.

Pak Capres Prabowo bilang cum Omon Omon sa.... sonde ada aksi... No Action Talk Only alias NATO.

Bapa mama sahabat kuliner ntt yang berbahagia, kali ini beta ju sonde ada tulisan menu kuliner ntt.

Tapi beta ada stok teman minum kopi Timor pahit yang bikin bisa bikin olahraga gigi.

Apala sakarang baru masok minggu kedua di BulanJanuari, pasti katong stok camilan kue Nataru ato natal dan taon baru (Nataru 2024) masih banya...

Na beta masih ada beberapa stok camilan yang ada di toples di beta pung rumah di wilayah Kelurahan Pasir Panjang, Kecamatan Kota Lama, Kota Kupang.

Salah satu stok yang ada dan siap di minum deng kopi Timor pahit, yakni jagung goreng ato orang Kupang bilang jagung goreng garing.

Ini jagung talalu enaaakkkk..... dan talalu garing. Jadi cocok minum dengn kopi Timor pahit.

Tapi bagi mama yang masih suka minum kopipanas pake gula ju sonde apa-apa.

Terutama bagi yang masi usia muda aera aer ato yang masih usia di bawa kapala 50 a- taon masih kuat makan yang goreng garing.