Kuliner NTT Inga Jang Makan Nasi, Makan Banya Kacang Kacangan Sop Brenibon deng Kaki B2 dan 1 Roti

Laporan Wartawan Pos-Kupang.Com, Ferry Ndoen

POS-KUPANG.COM - Sahabat kuliner ntt yang berbahagia, hari ini beta mau berbagi informasi makanan sehat untuk dinikmati.

Tentu setiap orang, setiap rumah tangga dan bapa mama basodara dong samua su ada menu makan enak

Menu makan enak  di ruma su siap masing -masing untuk disinikmati bersama keluarga.

Menu makan enak yang harus dinikmati, inga ooohhh harus menu makan enak yang sehat tapi mulai su kurang karbohidrat bagi yang usia di atas 50 an.

Tapi bagi bapa mama dong yang masih berusia 40 -an ju beta sarankan mulai skarang ju jaga jaga kesehatan.

Karena sakit gula ju kalo su kana,  maka akan menggegoroti samua katong pung organ tubu secara perlahan lahan.

Beta ju skarang su mulai kurangi makan makanan yang mengandung karbohidrat atau gula, terutama nasi ato beras.

Beta skarang lebi banyak makan lauk terutama yang berprotein, buah dan sayur  mayur.

Untuk nasi beta ganti deng kacang kacang, misalnya masak ame ini kacang ijo ato kacang brenibon sesuai katong pung kesukaan.

Kalo brenibon katong masak bisa bikin sop brenibon campur kaki babi ato B2, bisa ju pake tulang daging babi.

Harga kaki daging babi Rp 25, 000 jadi beli ame 1 kaki ko suru itu pedagang cincang ame kici kici ko bisa lepas di sop brenibon 

Tapi beta kalo makan sop brenibon sonde pake nasi laiiii.

Beta paleng makan sop brenibon  deng  kaki babi ato deng tulang daging babi yang su presto, beta makan deng sekerat roti.

Apalai kalo kacang sop brenibon dari moni Ende yang kacangnya noeee mo mati sa.