Kuliner Khas NTT, Gantikan Nasi deng Roti Mix Parkadel ala Ferry Ndoen, Lecker Bos, Ini Rasanya

POS-KUPANG.COM - Menu kuliner khas ntt kali ini kitong mau makanan yang ringan yang bikin usus ju jadi ringan.

Kadang kitong ju bosan makan nasi. Ini bisa disiasati dengan kuliner khas ntt lainnya.

Kalo sonde makan nasi, musti ada pengggantinya, jadi biar ko perut sonde kosong.

Kitong cari ju karbohidrat yang lebe ringan pengganti nasi.

Kali ini kitong stop makan nasi, maka kitong ganti deng makan roti.

Cukup makan 2 potong roti sa su kinyak sebagai pengganti nasi.

Kalo kitong omong roti, naaa sonde usa pikir yang ribet harus bikin roti.

Biaya bikin roti lebe mahal dari pada pi beli di took roti.

APalai yang bikin roti tangan panas, luu banting dan ramas ini roti sampe besok ju ini adonan roti sonde akan naeek.

Nah kitong kalo ada yang gampang sonde usa dipersulitt, kata mantan Gubernur NTT pak Piet A Tallo.

Bapa tua suka bilang, kalao ada yang gampang kenapa suka dipersulit.??

Jadi bapa tua suka bilang hidup ini jang suka diperumit dan dipersulit.

Apa lai suka persulit orang laeeen…. Oh bos sonde terima dia pung karma sakarang, tapi nanti ada sa yang siaall.

Kalo kitong hidup sonde jujur dan suka persulit orang lainnn, nanti ju akan kena karma bosss.

Yang kedua jang suka kepo atom au tau urusan orang laeeen, ato orang pung urusan.

Skali laiii… beta ingatkan sonde usaaah eeee… hidup nihhh jang bikin capekkkk diri.

Urus diri sandiri lebe baeeee…..

Orang Kupang suka bilang, urus diri sandiri sa su susa mo pi urus orang lain pung urusan.

Jadi beta sarankan urus diri dan berkaca diri sandiri eeee…

jang suka kepo ato suka cari tau deng urusan orang laeeennn.

Untuk bapa pegawe, kalo sonde ada ato blom ada kegiatan ato paroyek di kantor na dudu kow maeenn catur sa lebe baee.

Untuk ibu2 pegawe yang suka kepo, lebe bae buka komputer ko latihan sa dan perdalam ilmu, ato maaeen FB tekan like saaa.... sonde usa deng ba komen.

Apal laiii komen orang pung masala... ko karmana ??

Kalo kitong suka kepo orang laeee… berkat tatutup bossss…

Orang kupang bilang gaji boleh terima 1X sebulan tapi berkat bisa ada dimana mana, kalo kitong penuh ucapan syukur.

Dan yang utama jang suka kepo deng orang laeee…. Pung urusan.

Jadilah diri sandiri dan jang suka bercermin ato ukur deng orang laenn pung hiduppp eee.

Kalo baomong bagini kitong su ngalantur kiri kanan… jadi kitong harus kambali fokusss eee…

Jadi kalo sonde makan nasi, cabuttt doii di dompet ke beli ame roti tawar.

Ini roti tawar kitong makan ame deng parkadel kentang bosss…

Sangat leker. Untuk parkedel kentang beta sonde mau ulass laiiii karena minggu kemarin beta su ulasss eee….

Sekarangtinggal nimati saaaa… roti tawar vs parkadel kentang.

Selamat menikmati berkat Tuhan ala Ferry Ndoen, GBU. (fen).