Kuliner Khas NTT,Bubur Sayor Kelor ato Sayur Marungga vs Telor Rebus, Ketu Daun Kelor Depan Ruma

Laporan Wartawan Pos Kupang.Com, Ferry Ndoen

POS-KUPANG.COM - Menu masakan kuliner khas ntt kali ini kitong mau bikin yang rebus-rebus.

Di Muka rumah ada sayur kelor ato sayur marungga yang tumbuh subur.

Biar cum satu pohon tapi pohon kelor nih su besar dan beta su pangkas jadi pendek ko bisa ame daun kelor na gampang.

Masakan kuliner khas ntt ala Ferry Ndoen kali ini kitong fokus kombinasi bubur kelor mak deng telur rebus sa.

Apalai kalo masakan kuliner khas ntt ini bubur kelor kalo dari beras mol Oesao ato beras mol padi dari sawah Mbay ato beras mbay, Kabupaten Nagekeo weeeehhh talalu lecker bro

Kitong makan bubur kelor deng rebusan telor sa sonde usah yang ba minya laiii.

Apalai sayur kelor ada tumbu subur di depan ruma.

Baca juga: Kuliner Khas NTT, Presiden Jokowi Bilang Ekonomi Mondial Glap, Dompet Menipis Nasi Panas vs Sambal

Tinggal direbus dan kitong rebus telor bebek ato telor ayam kampung terserah keinginan.

Mau yang mana sa, tinggal kitong pung kesukaan mau rebus telor bebek ato telur ayam kampung ko makan deng bubur campur sayur kelor.

Beta ada kasi liat beta pung pohon kelor atau daun sayur marungga yang dumbuh subur di depan rumah dekat meriam.

Tinggal koru sa dia pung daun, ato tinggal petik sa dia pung daun kelor ko tingga masak sa.

Zat hijau daun sayur kelor ini bae untuk topang imun tubu sehingga bisa melawan aneka sakit penyakit yang sakarang ini banyak menyerang kitong yang su mulai kapala 50 an.

ABis kitong mau makan apa lai... ini sayur kelor bae untuk tubuh.

Nanti ke depan ju kitong bolak balek ini sayur ju yang kitong makan dan juga nanti bolak-balek cum itu sayur sa. ABis mo makan lai