Kuliner Khas NTT, Makan Jagung Rebus deng Udang Sambal Goreng Campur Tempe, Inga Pegang Aer Netes

POS-KUPANG.COM - Menu Kuliner Khas NTT kitong masih lanjutkan makan kombinasi yang membuat lida jadi manja.

Makan Kuliner Khas NTT yang enak mati pungg...

Kitong terus cari menu Kuliner Khas NTT yang bikin kitong bisa santai makan sambil nonton tv

Atau nonto youtube, sambil nyanyi lagu jadul.

Apalai di bulan Februari kegiatan balom ada yang bergerak, deng nyanyi sambil makan makanan kesukaan bikin pikiran sonde stres, stroke dan stop jantung atau S3.

Kali ini kitong mau makan udang sambal goreng tempe makan deng jagung rebus.

Baca juga: Kuliner Khas Kupang, Ayo Makan Parkadel Kupang dan Kue Pisang Sambil Pangku Kaki, Toger Bos

Dua kekuatan cita rasa yang akan memanjakan lida kitong.

Tapi sebelum kitong makan, beta mau kasih ingat teman-teman yang 10 ato 20 taon lalu masih jadi staf di kantor pemerintah ato kantor swasta.

Tapi teman teman yang dulu ini skarang su jadi kapala ato pimpinan unit. Ada yang su jadi PPK su jadi Kasatker padahal dulu masih staf.

Dong ini banyak yang merangkak dari nol dan ada banyak carita dan suka duka.

Ada yang dari tenaga harian, dari tenaga honor lalu jadi PNS puluan taon lalu.

Dan su banyak yang skaeang su jadi PPK dan kasatker su jadi jadi kapala unit dan kapala bagian.

Beta mo kasi ingat kalo su jadi atasan ato bos skarang na jang lupa saat masa masa sulit waktu masih jadi staf.

Kalo su jadi bos na ingat jang talalu gepe orang Kupang bilang. Ato orang Kupang bilang pegang aer sonde netes.

Inga kalo su jalan dinas 10 kali na inga itu stafyang balom dapat jalan dinas.

Jang cum inga diri, tapi kasih rekomendasi supaya ini staf di bawah dong ju bisa jalan dinas.

Orang Kupang bilang jang gepe ame itu perjalanan. Kalo cum tinggal Ne'e itu jalan dinas na Ne'e su.

Apalai yang jalan dinas nya open seperti di APBN, kasi ini dong ko jalan dinas.

Biar ko dong tersenyum dankeluarga bisa katawa,karna suami adabawa pulang uang dari perjalanan dinas.

Orang Kupang bilang pegeng aer na netes. Jang kobo ini aer ddua tangan waktu minum sampe aer ju sonde manets.

padahal da banya staf di bawa yang tunggu ini tetesan aer ko bisa netes dari pimpinan.

Kalo sumasko aer, kalo ada aer yang amanestes na biar aer itu mantes dan jatu ke bawa.

jang samapa ke batua piak ko malasa tauuuu.

Padahal staf ada banyak yang masih nganga dan butuh siraman tetesan aer dari kebijakan pimpinan.

Beta masih inga beta pernah pi bacarita deng pak Wakil Walikota, kebetulan kitong dua kanal baek saat pak pak Wakil Walikota dr. Herman Man masih tugas sebagai Kadis

Kesehatan di Kabupaten Kupang 20 an tahun lalu beta tugas di wilayah Kabupaten Kupang saat masa alm. Bupati Paul Lawa Rihi.

Jadi kitong dulu perna ngobrol, dan satu kata yang beta masih inga, pak Herman Man bilang, jadi kalo jadi pimpinan kalo pegang aer na mesti netes ke bawahh. Supaya staf ju sejahtera.

Maka beta mo kasih inga Jang sampe ke batu piak, pegang aer jua sonde netes
biar semua staf juga bisa karja deng enjoy.

Na kambali ke Kuliner Khas NTT kali ini kitong mau makan makanan Kuliner Khas Kupang yakni makan jagung rebus deng udang balek tempe.

Udang balek tempe kalo kitong makan dengn jagung rebus, aduhaiii rasanya selangit.

Kalo soal bumbu beta sonde mau bahas lai... karna kemarinkitong su baomong panjang lebar.

Sakarang kitong fokus makan makana kombinasi yang memanjakan lida.

Selamat menikmati berkat Tuhan ala Ferry Ndoen, GBU Jumat 3 Februari 2023 (fen).

Ikuti berita POS-KUPANG.com di GOOGLE NEWS