Tapaleuk: Maen Dua kaki

POS-KUPANG.COM, KUPANG - Ama Tobo deng Bai Ndu sakarang tiap hari dudu bacarita pemilu sa. Na Ama Tobo ju termasuk anggota partai "Burung" jadi baptua omong rasa ke diatas angin.

Bai Ndu hanya dudu dengar sa, mo sambung ju ma nanti tasala bisa-bisa Ama Tobo trlan bulat-bulat.

"We Ama Tobo lu dengar ko sonde, sakarang Bawaslu ada pengumuman calon panwascam aa," Bai Ndu mulai bahas baru lae.

Baca juga: Tapaleuk : Sopir Mati Banyak

"Bai Ndu lebe bae lu diam-diam, beta ni termasuk salah satu calon, anggap sa beta ini maen dua kaki, ma beta omong panjang lebar ju takut Bai Ndu sonde mangarti," Ama Tobo su bongkar dia pung rahasia.

Dengar itu ju Bai Ndu lansung sambar, "We bai ngao lu tau ko sonde, lu pikir panitia dong sonde tau na, sekarang ada Sipol aa, lu pasti sonde  tau Sipol makanya lu berani main dua kaki bagini, sadiki le lu pasti dapat tendang dari panitia dong, paham," Bai Ndu omong sonde rem-rem.

Samantara, Ina Feok dengar Bai Ndu tapa balik dia pung laki ju senyum-senyum sa, biar dia pung laki ju tau diri  ternyata diatas Burung masih ada awan, eh salah diatas langit masih ada langit. Sekian.(Ryan Tapehen) 

Ikuti Berita POS-KUPANG.COM di GOOGLE NEWS