Tapaleuk: Su Mau Pemilu

Laporan Reporter POS-KUPANG.COM, Irfan Hoi

POS-KUPANG.COM, KUPANG - Ina Feok ada iko bakti di kantor desa. Pagi buta mamtua su jalan pi di itu tampa. Bapa RT ada datang kas tauh deng malam-malam. Mamtua ia sah. Sonde tauh hal besok ada kerja kandang sapi di kebun. 

Ama Tobo bar bangun tidur. Ada pange Ina ma sonde ada yang sambung. "Ina ini Papagi ada pi mana e. Ini hari kerja kandang ma sonde masak ni," Ama Tobo su mangomel sah di dapur. 

Baptua ada meloi nasi di periok. Lia lauk ju sonde ada. Baptua buat aes kopi ko dudu di muka rumah. "Bai ada lia Ina ko," Ama ada tareak san Bai Ndu pas lewat di muka rumah. 

Baca juga: Pelukan Terakhir Zara Putri Ridwan Kamil kepada Jenazah Eril, Sang Ibu: Sampai Tertidur

"Sonde Ama. Jang sampe dong ada bakti di kantor desa Ama," Bai jawab ju jalan terus. 

Ama su mulai nae darah sah. Son lama Ina ada muku jalan dari samping rumah bawa sapu deng ember. "Ina lu dar mana," Ama teriak sah, ma asap tembako sek ada ponu mulut.

"Beta dar kantor desa Ama, karmana," Ina jawab sante sah. Sonde tauh hal Ama ada makang gigi dengan dia ni. 

Ina ju jalan ko duduk dekat Ama. "Ama, lu su pung KTP dong dimana oo. Ni hari dong ada mau sosialisasi untuk pemilu aaa," 

Baca juga: Timnas Indonesia Berpeluang Lolos ke Piala Asia Usai Filipina Dibantai Palestina, Tapi ini Syaratnya

Ina omong sambung terus. Mamtua carita bapa desa ada kas tauh dong kalo su mau pemilu jadi orang kabupaten datang ko kas pengumuman. 

"Ina e. Itu KTP ada di lemari tu. Tiap tahun Beta ada ikut pilih tu. Lu sonde usah omong banyak lai, masak ko bawa pi kebun. Ini hari ada kerja kandang sapi. Kas tauh bapa desa ko nanti dia koling sah katong datang. Beta ju ada nonton di tv aaa. Pemilu su mau deka. Lu pi ko kas Bai Ndu dong tu, tanya ju dong pung KTP Ina," Ama jawab sante sah. (Irfan Hoi)