Tapaleuk: Jang Cari Sial

POS-KUPANG - Ama Tobo papagi su pegang ame sakop deng linggis, baptua solo sa barmaen ame ini tana putih dong ko beking rata di dapan halaman rumah. 

Ina Feok bale arisan lewat baptua pung dapan muka ju sonde togor ame, Ama Tobo filing kuat mamtua ada ga'e ame doi. 

"We ko lu kira katong patung ko lu maen lewat-lewat sa. Omong-omong ada dapa ko cinta, " Ama Tobo mulai goda mamtua. 

eok hanya malerok baptua sa dengan muka sirik, mamtua su filing kuat ini pasti baptua ada mau karna Ina Feok ada dapa ame arisan sadiki.

Baca juga: Yance Mesah: Penahanan Ira Kewenangan Penyidik

Ina Feok sonde sadar dia pung dompet ada lapas sa di meja makan, Ama Tobo sonde pake lama baptua langsung buka ko lia ame itu isi dompet. 

"Awi Ina e lu dapa ini doi dong dari mana ni, lu sond pancuri ato korupsi orang pung doi to, lu jang cari sial o," Ama Tobo kaget ma dalam hati ada sanang stenga mati lia ini doi dong. 

Ina Feok tarakir jujur kastau kalo ada dapa ame arisan sadiki. Itu doi mamtua rancana mau pake untuk beli alat dapur dong. 

Baca juga: GPPS Haleluya Ibadah Kenaikan Tuhan Yesus di Taman Wisata Boneana

"O bae su b kira lu dapa ini doi dari mana ko, soalnya be baca barita kamarin di Kefa sana ada banya pajabat dong dapa tangkap korupsi na, beta sonde mau katong bagitu, idop tu harus jujur sonde bole ame yang bukan katong pung milik, " Ama Tobo nasehat ma saratus su maso dalam saku (Berto Kalu).