Tapaleuk: Pasar Sonde Laku

Tapaleuk: Pasar Sonde Laku

POS-KUPANG.COM, KUPANG - Ama Tobo deng Ina Feok ada pi bakunjung di dia pung sodara di Oekabiti. Papagi buta Ina Feok bangun mo pi beli pisang goreng di pasar.

Mamtua stel diri cantik-cantik deng lipstik merah ponu di bibir nere-nere jalan turun pi pasar Oekabiti.

Pas sampe di pasar Oekabiti itu pasar su son ada lai. Pulang sampe rumah deng karingat biji besar ke jagung liat Ama Tobo ada dudu minum kopi mamtua lansung dara naek.

"Lu kanapa son kastau kalo itu pasar son ada orang bajual lae, dulu katong datang ada rame-rame sekarang kambing sa yang ponu disana," Mamtua lansung sambung mangamok son enak.

Baca juga: Ben Polo Maing Sebut Tiga Nama Penganti Sekda Sudah Diusulkan

Ama Tobo tertawa sa, "ko lu son tanya na, sekarang orang son bajual lae, itu pasar orang bajual son laku makanya su jadi rumah hantu," Ama Tobo lansung sambung dia pung istri.

Mamtua muka son betul le, mo makan pisang goreng papagi son jadi harus lari sampe oesao memang ko beli pisang.

"Tatrtau ini pamarentah dong ini pasar su lama snd ada ju dong ke tutup mata sa padal dong tiap hari lewat sini, mangkali dong pung mata di kandok ko sonde lia ni pasar, ho na kalo begitu bapa siap su ko pi beli pisang di Oesao,," Ama Tobo lansung tahedek memang, ada enak-enak minum kopi mamtua suru pi Oesao memang ni.(Ryan Tapehen)