Ikan Ilang di Lobang

Ikan Ilang di Lobang

POS-KUPANG.COM,KUPANG - Ama Tobo papagi amper siang su angka motor ko pi pancing di pol aer Bolok sana. Ina Feok nae dara sonde ada orang yang antar dia pi pasar.

Ina Feok bale dar pasar siang bolong ju ama Tobo balom bale "Ini manusia pi mana ni, kaluar dar amper siang son tau pulang-pulang, " tareak Ina Feok sambil cek Ama Tobo di dalam kamar dong.

Su mau sore baru Ama Tobo sampe dirumah deng badan dong ponu luka, sonde tau baptua baru abis taroso dimana.

"Lu kanapa ni, pi dari amper siang kaget bale badan dong luka samua ni, lu pi lelehanak dimana, " Ina Feok mangomel sang baptua.

Baca juga: Jalan Penghubung di Amarasi Putus, Warga Pindahkan Badan Jalan

"Adoh lu jang banya batanya do, su lia katong pung badan dong ada baluka ju lu karja mangomel sa tarus, akurang deng lu ni, " dong dua suami istri basambung.

Tarakhir Ina Feok sonde omong banya le, mamtua langsung pi kas panas minyak deng kunyit ko tendes ame Ama Tobo pung luka dong.

"Ko lu bilang tadi pi pancing, karmana ko bale badan dong su luka ni, aes itu ikan dong dimana, " Tanya Ina Feok sambil tendes ame ini luka dong deng emosi.

Pas dapat tendes deng minyak panas baru baptua mangaku kalo dia calaka di aernona sana gara-gara jalan balobang.

Baca juga: Hepatitis Akut, Kadinkes Manggarai Barat Lakukan Edukasi Kepada Masyarakat

"Tau ini pemerentah dong ni son bisa karja ame ini jalan rusak dong ju, tadi beta lewat dar aernona situ, jalan balobang makanya beta sili ko sampe taroso deng motor, itu ikan dong yang beta pancing langsung maso pi dalam itu lobang yang su full deng aer ko langsung baranang ilang, " dengar itu kata Ina Feok langsung tendes tambah kuat le baptua pung luka (Berto Kalu).