Berita Tapaleuk

Tapaleuk : Hati-hati Sunami

Tao dong maen barapa set, Ina Feok ada karna dia baru liat dia pung baitua maen itu catur.

Tapaleuk : Hati-hati Sunami
GRAFIS POS KUPANG/TYA MEOK
ilustrasi 

POS-KUPANG.COM--Ina Feok baru pulang baselamat Natal di dia pung kelu dong. Pas dia smpe rumah Ama Tobo deng Bai Ndu ada maen catur. Tao dong maen barapa set, Ina Feok ada karna dia baru liat dia pung baitua maen itu catur.

"Hoi ama dar kapan lu to maen itu barang dong. Beta rasa salama ini lu hanya tao pi maen itu kuru-kuru sa. Ini hari lu foe apa ko bisa pegang ana catur," Ina Feok agak mangomel dia pung laki.

Dia ju omong perasaaan te takut Bai Ndu tersinggung.

"Ina e, lu balom tao,Ama Tobo ini,diam-diam ma pernah iko lomba catur antar RT," Bai Ndu omong bagitu ko Ina Feok inga-inga krna dua taon lalu pas mo ulang taon Kota Kupang Ama Tobo juara dua lomba catur.

Ina Feok hanya diam sa ko dia masok tarus pi dapur sana.

Empat Potret Angkutan Desa Cinta Damai Ditindih Pohon di Hutan Ranamese Ruteng

Tobo deng Bai Ndu su maen tiga set ko Ama Tobo menang dua set.

Sambil bermain, Ina Feok datang antar kopi kas dong dua.

Pas antar kopi, Ina Feok carita soal bencana sunami di Banten deng Lampung. Ina Feok carita asli sama ke di TV, andia ko Tobo deng Bai Ndu berenti maen.

"Kasian katong liat sakarang bencana talalu banya. Ada bencana di darat ada juga di laut," Ina Feok mulai umpan.

"Batu su, yang beta nonton di TV itu bilang aer laut ada naek. Kalo orang dong sebut bilang sunami ko apa ko," Bai Ndu su sambung.

Ama Tobo son mo kalah ko dia langsung bilang, kalo ada sunami biasanya ada peringatan dari pemerentah lewat BMG.

"Biasa ada tanda kalo mo sunami. Ini tao kanapa son ada informasi biar katong tao," Ama Tobo suara keras memang.

"Itu su ama, pemerenta musti perhatikan jadi biasa ada informasi kalo mo sunami, kalo ada berarti orang-orang bisa kasi tao ko katong bisa hati-hati kalo mo sunami," Ina Feok duduk ko dong tiga bacarita.‎(oby lewanmeru)

Penulis: Oby Lewanmeru
Editor: Rosalina Woso
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved