Makan Hen Togor

POS-KUPANG.COM - Ama Tobo duduk deng Bai Ndu. Biasa! Dong dua kalu su bakatumu, omong ke bakalai. Carita biasa sa, satu kampung bisa dengar na.

Apa sa yang dong dua bahas, pasti ribut. Kalo urusan makan, Bai Ndu hen togor. Nasi tamba kalo sonde dua piring, jangan sebut dia pung nama. Itu lambung ke sonde ada batas. Makan sampe napas sonde bisa hela lai baru barenti.

Baca: Ramalan Zodiak Malam ini-Gemini Bertemu Arwah Leluhur dan Scorpio Gugup Hadapi Hal Baru

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Baca: Hercules Ditangkap dan Ditahan Polisi Setelah Memimpin Penyerangan Lahan 2 Hektare di Daan Mogot

Ina Feok su tau Bai Ndu pung mau-mau, kalo datang pas makan, pasti nasi tamba bawa pake bokor. Kalo sonde te Bai Ndu pi ame sandiri na. Ama Tobo hanya bisa malerok sa. Mau mangamok, itu kawan bae dalam suka dan duka.

"Oras yang panas bagini, sadikit lai aer su mulai mati. Pohon dong karing, kitong sonde bisa makan apa-apa. Nyadu makan ukur-ukur sadikit. Sonde larang ma, nyadu pung cara makan ni beken beta jadi takut. Jangan sampe bu piara o."

Bai Ndu malas tau sa. "Beta lapar kawan. Dari pagi balom makan ni. Bosong mau omong apa sa, beta sonde toe. Talalu lapar ni na."

Ama Tobo carita kasih Bai Ndu kalo di kampung sana aer su mulai mati. Orang pi hela aer, jalan sampe kilo-kilo baru dapat. Su bagitu, aer bakuning na. Ma mau kermana lai.

Musti minum na. Andia ko Ama Tobo minta ko Bai Ndu jang ingat diri sandiri. Masih banyak yang makan minum susa stengah mati pung. (Sipri Seko)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang