Tombo tombo

Melep One Tiwu Lonto Ulu

ENDE de Remus jejer terus kaut wekin du poli denge tombo hi Dorotea Nastika Moeng, anak sekola one mai SD Tanggar, Desa Compang Laho.

Melep One Tiwu Lonto Ulu
Ilustrasi
Tenggelam 

POS KUPANG.COM, KUPANG -  ENDE de Remus jejer terus kaut wekin du poli denge tombo hi Dorotea Nastika Moeng, anak sekola one mai SD Tanggar, Desa Compang Laho, Kecamatan Poco Ranaka, mata ali melep one embung Lonto Ulu, Desa Golo Wune, leso Seneng (12/12/2016) pas remeng pedek leso.

Tara leluk bail keta wekin ended Remus ae toe keta manga campitn rowa hitu. Eme olong beti pe cala laos kin sakong de ende agu ema. Ho'o wi ga rodo-rodo kaut. Pa'u one tiwu mese kaut mata muing wa.
"Ole anak toe keta manga wuat kudu ngo one tiwu mese hitu meu lata tu'a. Wuat data tu'a wi kali ga meu ngo kawe haju api, co'o keta tara ngo cebong one tiwu mese hitu kole, ceing keta ata susungs meu ngo nitu?" nggitu papi mu'u de ended Remus hanang koen.

Papi mu'u de ended Remus musi mai dapur denge kole lise Remus agu hi Pondik ata remeng lejong cang ge gereng kopi olo pendopo. Ali denge lise nggut de ended Remus ga agu caro ngasang de Dorotea ata pa'u agu mata one tiwu mese le Lonto Ulu, ise te sua kole pu'ung tombo hitu.

"Bo kali tu'ung papi mu'u de inang e, hitu muing nai data ngasang ende. Ae iset ngasang ende te nai koen dading anak ho'o, landing woko tu'a ciri atas ga rowa nggitu kauts," nggitu tae de Pondik ngong hi Remus.

Hi Remus na'ang kole one nai liha papi mu'u de enden. "Landing nuk daku kesa nenggo'o, toe poli kaut le papi mu'u nenggitu. Ata polin, poli kaut ga, bom nganceng te pande mose kole ata poli matan lite. Landing ata nuk diten wi kali ga co'o nggere olon boto manga kole ata rowa ali melep one tiwu mese hitu," tae de Remus agu Pondik.

"Hitu ata tu'ung ne kesa," wale de Pondik agu Remus. "Bo nuk daku kesa, poli manga ata rowa ho'o, pemerenta le Poco Ranaka ko pemerenta Desa Compang Laho na'a lise tanda benang ko tulis riong lise nitu boto ngo cebong nitu anak koe. Ae bom toe bae lite anak koe dite so'o tamat lelak cebong kaut. Apan kole anak koe dite ce'e tana golo ho'o toe bae anging. Eme wencok one tiwu mese nenggitu cama neho pa'u de watu, melep nang wa riti tiwu," nggitu tae de Pondik agu hi Remus. "Hitu ata tu'ungn ge kesa," wale de Remus. (kanis jehola)

Penulis: Kanis Jehola
Editor: Kanis Jehola
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved