Mo Hari Bae Laki Leti Lesu

Laporan Wartawan Pos Kupang.Com, Ferry Ndoen

LAGI sat bulan lai... su mo hari bae. Kalo katong itong bae bae pas tanggal 25 Desember bulan depan ato tinggal tiga pulu hari laii... su hari natal... Hari Kelahiran Sang Juruslamat Umat Manusia Tuhan Yesus Karistus.

Bai Ndu su foe ko mulai umpa deng Ina Feok..

"Batul ee,, tinggal sat bulan lai su natal.. Kalo su mo hari baeee. ni.. katong para suami mulai leti lesu.. Ini karna nanti istri dong su mulai kakoe dong pung laki kow mulai minta macam macam. Mulai dari isi luar ruma sampe isi dalam ruma... mulai dari luar badan sampe dalam badan," kat Bai Ndu mulai umpan.

Ina Feok langsung katawa lepas..."Lu kalo baomong tu son ada yang sala. Itu hukumnya su wajib... kalo mo hari bae... pasti istri musti ba manja deng dia pung laki... mulai minta baju baru, pakean baru, sapatu baru sampe ce-de ju musti baru na," kata Ina Feok.

Bai Ndu dengar ju dia pung talinga badiri..

"Bukan cum itu sa... kalo minta itu sa katong bisa angka muka... tapi abis minta baju deng pakean baru... katong pung bini mulai urut su satu per satu dong pung keinginan.. Mulai minta pohon trang ato pohon natal baru, kursi dan meja baru... minta cet ruma.. sampe minta kue natal yang mahal mahal. Balom lai anak anak pung pakean dan spatu baru," kat Bai Ndu.

Kalo katong istri baomong... katong jadi pata smangat dan jadi leti lesu..Smoga para istri kambali ke jalan banar," ujar Bai Ndu. (ferry ndoen)