Tombo tombo

Boto Kalak Lamak

EME lonto cama nga ise Pondik agu hi Remus ga toe manga lonto bo. Toe emo ali inung kopi cangga mesut rongko Gudang Garam Surya 12 kaut.

Boto Kalak Lamak
ILUSTRASI
Narkoba 

POS KUPANG.COM, KUPANG -  EME lonto cama nga ise Pondik agu hi Remus ga toe manga lonto bo. Toe emo ali inung kopi cangga mesut rongko Gudang Garam Surya 12 kaut. Paka manga kole tombo kudut reman lonto inung kopi agu mesut rongko hitu.

Ole...manga berita one Pos Kupang bao ta. Bupati dite, kraeng Yosep Tote reje sanggen weki dite one Manggarai Timur ho'o wan koe etan tu'a kudu cama-cama tadang agu neka damang cala narkoba ae narkoba ho'o pande da'at mose dite agu uwa weru dite so'o wa mai," neggitu tae de Pondik pu'ung tombo agu hi Remus.

Toe emo nggitu kaut tombo de Pondik. Nggo'o kole taen, lorong tae de kraeng bupati, negara dite ho'o ga tae perang agu narkoba. Ae narkoba hitu musu dite taung. Do ata pe'ang mai ho'o ga mai ce'e tana Manggarai dite ba narkoba. Cai ce'e antul anakoe dite ce'e Manggarai kudu mesut narkoba hitu kudut anakoe dite so'o toe sehats. Eme toe sehats anak dite so'o ga toe nganceng gori kudut pande di'a mose ka'eng kilo. Eme toe nganceng gori ga co'o kudu di'a kaeng mose ho'o. Hindi haes kali mose agu ciri ata kasi asi.

"Apa te tae de kraeng bupati hitu e tu'ung. Reje hitu kudut na'ang nai dite sanggen ro'eng ho'o. Ngong te nggo'o betuan tae de kraeng bupati hitu neka damang lite narkoba hitu. Ae neho tombo data soo, eme cengkali kaut lite damangn narkoba hitu lamak laing cai pisa. Eme lamak ga toe nganceng emo, ngoeng wi kali ga mesut terus kaut," nggitu tae de Remus agu hi Pondik.

Ngengur kaut ulun hi Pondik senget tombo de Remus. Ae nggo'o tae diha konem po hi Remus toe sekolah mese landing eme pa'u tombo icin taung. "Woleng neho iset te rongko, inung tuak agu judi hio pe ta kesa. Eme racek lamak ga toe nganceng emo. Ngoeng kali ga rongko terus, judi terus, agu inung tuak terus. Ae eme lamak tite judi ga pande toe dia ka'eng kilo. Nggitu kole eme lamak rongko pande beti weki. Jadi hitu bo tara re'ing le kraeng Bupati Tote kudut tadang agu narkoba hitu boto kalak lamak," nggitu tae de Remus agu hi Pondik.

Pu'ung nitu main hi Pondik cekoe-cekoe kaut rongko ga. Nenggitu kole inung tuak agu judi. Na'a keta wa mai rak liha bo tombo de Remus hio ae sanggen taung situ pande susa weki ru, toet pande di'a laing. (kanis jehola)

Penulis: Kanis Jehola
Editor: Kanis Jehola
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved