Ikan Formalin Mal Unuk di Pasar

MASI pagi Bai Ndu sa stel ame pake calana pendek dan baju kode siap siap mo pi pasar ikan Oeba abis dia mau lanjut jalan jalan pi Pasar Oesapa.

Bapa tua pung mulu su asam kow ada kapingin maka ikan kua asam deng ikan lawar sardin.

"Bet lia masi pag pagi ma lu su pake baju kode deng calana pendek pasti mau pi cari ikan di paar woww.... tapi inga wow.. sakarang amper samua ikan yang dijual di pasar banya yang su direndam di aer formalin. Apa lai it ikan yang di datangkan dari pulo Flores su warna kuning bek ikan kombong, tongkol dan ikan dasar," kata Ina Feok kas inga Bai Ndu.
Bai Ndu langsung teringa dia pung masa kici.....

"Beta inga dulu masi kici... beta masi kalas dua sakola dasar, beta suka pi beli ikan di Pasa Kamsol alias pasar kapung solor.... Waktu itu ikan yang dijual di pasar masi segar segar...... Ikan balom kena es... apala disimpan di kol boks ko rendam pake formalin," kata Bai Ndu.

Ina Feok ju su batamba....
"Heran... ini petugas Badan Pengawasan Obat dan Makanan dan polisi deng petugas kesehatan son bisa pi inspeksi mandadak ko pi sita ame itu ikan di kol boks pedagang di Pasar Oeba yang

Bai dsan Ina Feok akhjir sapakat...
"Jadi katong kalo pi makan di warung na lebe bae makan nasi rendang sa. Awas makan nasi ikan kua asam jang sampe ikannya son sagar dan su di rendam pake formalin... nanti abis makan katong pung hati dan ginjal dan usus jadi ancor dan bisa kena kanker," kata Bai Ndu.

Asyik baomong Bai Ndu puku testa.... oke na lu pung nasehat bet harus inga... Beta kalo pi pasar beli ikan na harus liat ikan yang masi sagar deng mata masih mnyala.... kalo ikan badan su noeee... na mata su son sagar na jang beli.... nanti abis makan badan bagatal na mulai bagaruk badan sampe garuk lelakkk... sampe luka. Dan kalo makan ikan yang su kana rendam formalin dalam jangak waktu tertentu son lama laiii...su kana panyakit macam macam," kata Bai Ndu.

Asyik baomong ma Bai Ndu dan Ina Feok su mulai ba kisu dan bakorekkk....deng bagaruk...

"Lu mulai... su son jalan su mau su mulai manoso ko mulai bakorek deng beta.... kalo tangan su mulai lelehanak na pi garukkk di mana kow," kata Ina Feok kas inga Bai Ndu.
Bai Ndu yang mulai ta sadarrr na langsung star ame dia pung sapeda motor ko pi langsung tancap gassss... pi Pasar Oeba mow pi cari ikan sagar. (ferry ndoen)