Tapaleuk: Jang Bakurampas

POS- KUPANG.COM--Ama Tobo hampir satu bulan ni sonde pernah tenang di rumah, Ama Tobo juga ada ikut calon dewan andia ko dia sibuk kampanye.

Akhir-akhir ini dia pusing soalnya di dia pung dapil banyak orang yang iko calon juga. Tobo ada pikir trik ko mo masok kampanye

Di itu kampung yang bakenal ada calon dewan hanya Tobo deng dia pung kawan. Sakarang ju banyak calon yang maso kaluar orang pung rumah ko bagi foto.

" Sakarang ini musti kerja karas, kalo sonde bisa karja na parah su. Apalagi semua calon ada di kampung ko mo masok," Ina Feok muncul ko omong sama ke dia ju caleg.

Ama Tobo sengaja bardiri ko maloi dia pung maitua karna takut.

"Basong dua ini kanapa ko su mo satu bulan jarang di rumah. Katong cari ko mo togor sa susah," Bai Ndu tanya dong dua .

Memang su hamper satu bulan Tobo sibuk jadi son pernah ada di rumah. Tobo ju pegang jabatan penting na andia ko dia pulang su tengah malam.

Dia biasa jalan pi Bai Ndu, ma karna sonde pi andia ko Bai Ndu datang cari.

• Jaksa Telah Panggil 3 Orang Terkait Kasus Penyalahgunaan Dana Desa di Desa Letmafo Timur

• Pemprov NTT Mulai Lakukan Pengawasan Internal di TNK

"Ama e, bosong dua ada tasibu apa, ko katong datang di rumah son pernah katumu. Ini hari beta datang baru lia bosong dua ni. Ada acara apa ko bosong dua son pernah di rumah, " Bai Ndu tanya tarus.

Ama Tobo yang su bosan, langsung jawab harbabiruk sa bilang dong dua ada urusan dalam keluarga jadi son perlu orang luar tao.

"Ama, lu tanya tarus sama ke polisi sa. Lu son tao ko sakarang semua orang lagi susah. Akhir taon , Lu liat sa, di mana-mana orang kantor dong pulang lat tarus," Tobo nada agak tinggi.

Ina Feok yang dengar langsung buang sapu lidi ko lari datang ko tanya dia pung laki.

"Ama e, baomomg jang sama ke orang bakalai. Nanti tetangga dengar bilang katong kalo su di rumah na mulai baribut su," Ina Feok su duduk dekat Bai Ndu.

• Rumah Milik Lorens Baba di Ende Dilalap Api

• Seminggu Diculik, Remaja Putri di Kupang Ditemukan di Rote

• Mimpi Gubernur NTT Viktor Laiskodat: PAD NTT di Akhir Tahun 2023 Mencapai Rp 3 Triliun

"Ina, beta tadi tanya bae-bae ma baptua mungkin ada emosi jadi ke masparak beta andia ko suara agak besar," Bai Ndu omong sang Ina Feok.

"Ama, lu dengar bayangkan sa, katong dua ini hamper satu bulan sonde di rumah. Liat sa kotorang di halaman beta su sapu dar tadi son tao barisi. Beta masi bae ma lu pung sodara itu di bank jadi pulang lat," Ina Feok omong sama Bai Ndu.

Bai Ndu baru inga kalo Ama Tobo ada kerja di Bank

"Ama beta minta maaf e, beta lupa kalo ama ju sibuk kampanye Tapi beta hanya mo janji supaya ama dong hati-hati ko jang kampanye tasalah. Sakarang ini harus jaga bae-bae dan jang bakurampas suara. (oby lewanmeru)