Baca tanpa iklan
Laporan Wartawan Pos Kupang.com, Ferry Ndoen
POS-KUPANG.COM, KUPANG - Bagi besong pengemar masakah khas NTT ato Kuliner Khas NTT, maka bisa mencoba masakan yang bakar-bakar yang satu ini. Menunya Kuliner Khas NTT ayam kampung panggang rasa mentega.
Ayam kampung panggang rasa mentega sangat leker ato sangat enak/nikmat. Apalai kalo makan dengansambal kecap perasan jeruk nipis Timor ato deng jeruk purut Timor, awi eee lupa talinga sabalah.
Kalo makan enak na jang tahan... pi cari aya kampung di Pasar Oeba, ato di Pasar KASIh Naikoten I Kupang atao di Pasar Oesap, Kelurahan oesapa, Kecamatan Kelapa Lima, Kota Kupang.
Ayam yang su beli potong ame ko abis na kasi barsih bae-bae, lalu belah ame itu ayam kasi kaluar dia png isi dalam, seperti parut, rempo dan lainnya.
Ayam kampung Timor ini lalu direbus ame sadikit dengn bumbu kasi noe. Ada ya ju yang sonde mau rebus sadiki kasi noe. Tapi nanti daging karas mo mati.
Mala beta sarnkan saat rebus, ayam dipresto sadiki kasih noe abis bari kitong mulai bakat pake kayu arang kayu kusambi ko biar jadi nikmat.
Na bet lanjutkan cara panggan ayam kampung ala Ferry Ndoen eeee.
Setelah su rebus kasi noe deng bumbu itu ayam kampung setlah aya di belah dadanya m ulai su ator ame itu arang kusambi dibawah alat panggang ko kasi manyala palan-palan itu arang ato biki jadi api bara.
Siapkan alat panggang lalu taru ame daun pisang di alat panggan yang api bara kayu kusambi su manyala.
Kasi bara api kayu kusambi manyala pelan-pelansmbil kipas mulai su muat ameitu ayam panggang yang suda ditaburi bumbu.
Na lu mo tahu itu bumbu ayam panggang kampung ala Ferry Ndoen?
Lu siapkan kunyit lalu parut. Siapkan bawang merah Oebelo ato bawang merah Timor. Juga siapkan bawang putih Timor yang rasanya lebih menggigit blender jadi satu campur deng daun salam dan daun jeruk supaya jang bau amis.
Saat mulai kipas ayam panggan na labur sadikit eng mentega biar ko jang angus dan akan lebe gurih.
Ingat di itu bumbu ju jang lupa taruh garam dan sadiki bumbu penyedap. Nanti su mo angkat baru siram ame itu ayam deng kecap asin campur deng sadikit
kecap manis lalu kasih kici itu bara api ko biat jang angus itu ayam dan terasa lebe gurih dan akan lebe matang.
Inga saat potong itu ayam kampung napotong kep kep itu ayam ko biar jang manta dia pung daging ayam bagian dalamnya. Terutama dia pung daging bagian dada dan paha ayam kampung.
Inga ohhh kasi pelan-pelan it ubara api kusambi biar ko ayam jang angus dia pung daging luar dan ayam bisa matang ato masak-palan-palan.
Nanti itu alat panggang alas deng daun pisang biar ko ayam jang angus dan ba itam, kasi bara api arang kayu kusambi tuh na api bara kici sa. (fen_
Kalo su mulai merah dan matang baru siram amekecap asin dan sadiki kecap manis lalu lesi lagi deng mantega terus kipas bara api kayu kusambi sampe ayam batul-batul matang dan merah serta bau harum ayam su kalua baru angkat.
Selamat menikmati ayam panggan kampung Timor. Colo-colo ato deta deng sambal kecap manis deng jeruk nipis. Ato kalo ada yang suka asin na tarus kecap asin di samping deng jeruk nipis. Awiiii nanti lu lupa talinga sabalah.
Bisa suguhkan ato kasi buat tamu spesial besong Kuliner Khas NTT Ayam panggang spesial asli Timor ala Ferry Ndoen.