Kuliner NTT Kokis Ato Kue Natal Su Gass Pol di Lokasi Kupang Car Free Day Jalan El Tari Kota Kupang

Laporan Wartawan Pos Kupang.com, Ferry Ndoen

POS-KUPANG.COM - Bapa mama sahabat kuliner ntt yang berbahagia penggemar makanan sehat dan makan enak dimana saja berada.

Saat masuk bulan dengan kata akhir atao akhiran BER... BER... ato mulai bulan September masyarakat di wilayah Provinsi Sulawesi Utara su mulai kasi babunyi lagu natal.

Di bemo bemo di Manado, Tomoho, Tondalo dan di Bitung dong su mulai gassss... lagu natal,

Apalai kalo su bulan November dan Desember... dong su gasss polll lagu lagu natal dan suasana natal serta nuansa natal su mulai terasan sangat kental.

Kalo katong di Kupang ju su gasss.... polll mulai Bulan November... apalai kalo  Pohon Sepe su banguna.... jang tanyaaa... laiii.

Mulai November... orang dong di Kupang yang umumnya masarakat Nasrani ato masarakat Kristen su gassss 

ko su mulai ba rangkai ini pohon natal walau hari natal masih satu 1 bulan laiii... pi depan.

Banya orang su mulai ba omong tentang basong nanti bikin kue natal apa????

Banya yang su mulai ba tanya tentang banyu natalll....

Kuliner NTT Kokis Natal Ato Kue Natal  Su Mulai Gass Poll di Lokasi Kupang Car Free Day Di Jalan El Tari Kota Kupang

Ini ana ana dong ato katong anak su mulai marengek ko sumuali ba ancam dong pung orang tua ko nanti sabalom natal na inga beli ame baju natal dan taon baru 2024.

Orang tua pung kapal su pusing tuju kaliling dong pung ana pung marengekkkk mulai ba minta ini baju natal.

Anak -anak dong ju mulai minta orangtua ko ba oker su ini rumah kalo su akhir bulan November ato awal Bulan Desember 2023.

Dong son perna tau orang tua ada kapala pusing pikir ini hidup dan kehidupan.