Kuliner NTT, Ini Jenis Ikan Panjang, Tipis Lonjong Tapi Enak Mo Mati Sa, Info dan Cek Harga di Sini

POS-KUPANG.COM - Sahabat kuliner ntt yang berbahagia, kemarin beta ke Tempat Pelelangan Ikan TPI Oeba Kecamatan Kota Lama, Kota Kupang.

Pasalnya, beta kaingin makan ikan goreng deng nasi panas ko deta ame deng sambal ato kuru garam.

Beta pi TPI Oeba, beta liat ame di para para tampa jual ikan pedagang, selain ada ikan kombong pedagang ikan ada jual ini ikan yang su biasa orang Kupang Makan

Ini iikan pung bentuk, agak panjang tipis sdikit lonjong,tapi enak mo mati sa.

Beta pi Surabaya, di Pasar Tandes, sebuah pasar kecamatan yang cukup rame tapi beta sonde pernah temukan ikan segar seperti ini.

Dan ikan jenis ini cum ada jual di Kota Kupang, tepatnya di TPI Oeba, di Pasar Oeba, Kelurahan Fatubesi Kota Kupang

Namanya jenis ikan ini yakni, ikan nipi dan beta ju su lama sonde makan ikan Nipi

Makanya beta beli ame ikan Nipi dua (2 )kumpul ko kapingin goreng ko makan deng sambal.

Ini pedagang jual ame ini ikan Nipi satu1 kumpul Rp 10.000.

Betabeli ame 2 kumpul Rp 20. 000 ko untuk goreng.

Sampe di rumah beta bikin bersi ame, ko garu ame dia pung  sisik ikan Nipi

Lalu beta pata ame diapung kapala ko kasi bersi ame ini insang ikan Nipi.

Lalu, beta potong ato iris kici kici ini ikn Nipi dan siap digoreng.

Beta peras ame sadiki jeruk nipis dan tabur sadiki garam, kasi nyala kompor ko mulai goreng.

Ikan masih di tacu ma bet su sonde tahan laiii... ko su pingin makan deng nasi panas.

Jadi kalo bapa mama yang pingin makan ikan nipi, na sakarang lagi muah di TPI Oeba jenis ikan Nipi.

Satu kumpul  ato1 kumpul pedagang dong jual Rp 10.000 ada anam 6 ekor. Ini info terbaru harga ikan Nipi di TPI Oeba.

Selamat menikmati berkat Tuhan Ikan Nipi goreng Nipi al Ferry Ndoen, GBU Selasa 18 Juli 2023. (ferry Ndoen).

Baca juga: Kuliner NTT, Wedang Jahe Ciwidey Bandung Rasa Timor Dawan, Info Harga dan Bahan

Ikuti Pos-Kupang.Com di GOOGLE NEWS