Kuliner NTT, Nasi kuning Timor Harum Serei Makan Panas Panas Deng Sambal Terasi dan Ikan Panggang

Laporan Wartawan Pos-Kupang.Com, Ferry Ndoen

POS-KUPANG.COM - Sahabat kuliner ntt yang berbahagia, beta kali ii mau tayangkan kuliner ntt yang cukup khas.

Bagi bapa mama basodara dong, waktu kici ana pasti mama dan bapa pernah buat untuk kitong makan pagi pia sakolah.

Dolu waktu pi sakola masih jalan kaki sonde pake sandal.

Karena taon 1970 -an, beta masih dapat pi sakola cum pakai sandal... dan tulis pake batu tulis deng kapur sa.

Katong mosakolah, kitong pung maka bikin kasih kitong nasi kuing pakai kunyit dan daun serei.

Ini nasi kuning ju enak mo mati sa karna waktu itu beta pung mama masi masak pake kayuk api di dapur.

Ssebelum beta pung mama pakai kompor minya tana merek kompor ABC

Beta pung mama cum masak ini nasi ato masak bubur pake kayu api.

Dulu masak masi pake kayu kusambi. Beta ju ingat, orang masih jual susu sapi di botol bir...

Ini susu asli sapi perahan sapiasli, sangat gurih dan sadap mo mati.

Ini susu sapi asli sonde ada yang pakai krimer. Ini susu orang Timor yang ba jual .

Ini ama tiap pagi lewat beta pung gang di depan rumah di Kampung Tode Kisar.

Jalan gang depan rumahmasih dari tana dan masi ba babatu. Balom di aspal waktu itu taon 1971.

Waktu itu, orang jual itu susu sapi asli 1 botol Rp 500 dan yang jual orang Timor yang jalan keliling gang

Ato dia pas lewat gang, beta pung mama beli ame 1 ato 2 botol susu sapi asli perahan dari susu sapi Timor.

Nanti beta pungmama kasi panas, beta pung mamataru ame gula pasir sadiki ini susu sapi asli sapi yang di perah langsung dari sapi Timor.

Nanti ini susu sapi, kitong minum masi panas panas.

Beta pung mama cuma taro gula pasir, ato gula lempeng 1 ato 2 lempeng, baru kitong minum susu asli sapi yang diperah.

Ini kenangan masa dolu yang cuma jadi kenangan saat masa kici saat betamasi duduk di TK Bhayangkara Kupag taon 1973.

Kitong kambali ke nasi kuing, beta pung mama masaknasinkuning pake beras tumbuk Ir 26 hasil tanam dari kitong pung swah di Tarus, Kecamatan Kupang Tengah.

Dolu kitong sawah ada 1 ato 2 hektar di Tarus Kupang tengah.

Tapi b eta pung bapa su jual itu tanah sawah dong.

Beta pung mama masak nasi kuning, biasa pake santan kalapa yang wangi. Lalu taru ame air kunyi dan daun serai, kadag pake daun pandan.

Jadi ini nasi kuning enak mo mati sa...

Kemarin beta pung maitua masak ame ini nasi kuning pakai daun serai dan santan kelapa, wehhh enak mo mati sa.

ini nasi kuing beta makan deng ikan goreng deng sambal tomat balek deng terasi dan telur rebus.

weehh enak mo mati sa...

Selamat menikmati berkat Tuhan ala Fery Ndoen, GBU Kamis 27 Mei 2023 (fen)