Breaking News:

Tapaleuk

Tapaleuk : Jaga Bae-bae Pancasila

Katong juga harus ikut diskusi supaya mangarti apa itu ideologi Pancasila. Apalai sakarang banyak muncul kasus radikalisme

Penulis: Oby Lewanmeru | Editor: Rosalina Woso
istimewa
Garuda Pancasila 

Tapaleuk : Jaga Bae-bae Pancasila

POS-KUPANG.COM--Masih pagi buta,Ama Tobo su bangun ko cari sabun mandi. Bapa tua ini pagi tahu mimpi apa ko semangat sekali mandi pagi.

Ternyata Ama Tobo ada dapat undangan iko pertemuan bahas soal ideologi Pancasila.

"Ama e, lu ini pagi setan apa yang nae kena lu ko mandi pagi, atau tadi malam lu mimpi bae ko," Ina Feok batareak dar dalam kamar.

Soalnya masih gelap di luar na,biasa begitu dia pung laki masih sono.

Baca juga: Seniman di Kota Kupang Abadikan Wajah Astrid Manafe dan Lael dalam Lukisan

"Ina ,lu sonde tahu ko,tadi malam beta kasi tunjuk undangan mau pertemuan  tu  andia ko beta harus siap ko pi pagi," Ama Tobo bersiul baru jawab dia pung bini.

Ama Tobo juga senang iko diskusi karna di dong pung tetangga sebelah rumah ada anak yang baru pulang maranto ko ada bacarita soal itu radikalisme ko apa ko

"Katong juga harus ikut diskusi supaya mangarti apa itu ideologi Pancasila. Apalai sakarang banyak muncul kasus radikalisme," Ama 

Dia ada dengar gelas su bunyi ,jadi dia semangat karne Ina Feok su bawa kopi taro di meja.

Baca juga: HDCI Jelajah Nusantara dan Berbagi Bantu Tiga Ton Beras di Kota Kupang

"Pi iko pertemuan na pasang talinga bae-bae supaya pulang na jelaskan di katong pung ana dong. Kalo sonde dong tasibu ko baomong kapan mo," Ina datang duduk dekat dia pung laki.

"Betul Ina, hanya bulan lalu itu katong dengar yang masalah  karena dong waktu pi son mau iko aturan.

Pemerentah dong su buat aturan bae-bae ma dong sonde mau iko," Ama Tobo mulai masko kopi.

Ina Feok yang dengar dia pung laki jelaskan ma dia angguk-angguk.

"Mulai sakarang katong musti jaga bae-bae Pancasila," Tobo jawab ko dia bangun pi ame tambako.(oby lewanmeru)

Berita Kota Kupang Terkini

Sumber: Pos Kupang
Ikuti kami di
KOMENTAR

BERITA TERKINI

© 2022 TRIBUNnews.com Network,a subsidiary of KG Media.
All Right Reserved