Breaking News:

Cara Beken Lak-laki Lebe Kuat

Ada yang bilang makan sirih pinang tu bisa beken laki-laki lebe kuat na.

novemy leo
SIRIH PINANG -Sejumlah warga SoE sedang membeli sirih pinang, di Jalan A Yani SoE, TTS, Kamis (10/8/201) malam. 

KITONG di Timor, dia pung cara makan sirih pinang tu beda deng daerah laen. Makan pinang daluan, sirih baru ais itu kapur. Kalau di tampa laen, beda lai. Ada yang makan sirih, pinang baru kapur. Ada ju yang kapur daluan, sirih baru iko deng pinang.

Bola-bale. Samua deng dia pung kebiasaan sandiri. Ada yang makan sirih daon, ada yang sirih buah sa. Sirih buah ju beda lai. Ada yang sirih wangi, biasa di Alor deng Falores yang bagitu. Ada juga yang sirih biasa. Itu lebe banyak di Timor, Rote, Sabu deng Sumba.

"Samua tergantung kebiasaan. Kitong ni beda-beda cara makan. Yang beken kitong satu, hanya Flobamora sa. Beta sa sonde suka pinang iris. Makan ais itu beta mencret kalo sonde batok. Makanya beta makan pinang manta sa."

Ama Tobo duduk deng parte dong di bawah pohon. Dong su cape ojek. Penumpang sonde ada. Samua pamalas bajalan, ato memang takut deng karona. Abu deng panas pung datang, beken orang pamalas kaluar rumah ju.

Pinang manta sa macam-macam. Ada pinang Alor, pinang biasa deng pinang bonak. Pinang bonak tu kalo di Timor sini, biasa orang pake ko maso minta nona. Syarat adat na. Kalo pinang Alor, dia rasa ke pinang biasa, ma talalu go'eng ke pinang bonak na.

Sonde tau makan sirih pinang tu arti apa. Adat ko, kebiasaan atau memang su ke narkoba. Sonde makan ju, yang penting sirih pinang ada, samua beres. Ada yang bilang makan sirih pinang tu bisa beken laki-laki lebe kuat na. **

Penulis: Sipri Seko
Editor: Sipri Seko
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved