Berita Tapaleuk

TAPALEUK: Kas Trap Dia

AMA Tobo pagi-pagi buta pegang deng koran ko su boto-boto. Sonde tau bapatua ada pikir apa. Takuju dia su tariak mus trap dia.

TAPALEUK:  Kas Trap Dia
ILUSTRASI/POS KUPANG
Tapaleuk Pos Kupang 

Laporan Reporter POS-KUPANG.COM, Apolonia Matilde Dhiu

POS-KUPANG.COM|KUPANG - AMA Tobo pagi-pagi buta pegang deng koran ko su boto-boto. Sonde tau bapatua ada pikir apa. Takuju bapatua su tareak mus trap dia.

Ba'i Ndu yang ada ma'ale siri di dadegu samping ruma ju su takuju sa.

"Karmana ko lu su boto-boto pagi-pagi ni. Orang bangun pagi tu pi bagarak ko lari-lari pagi ko apa ko. Ini lu su karmana ni. Be kasitau sa, sakarang tu banya orang boto-boto tu pangaru dara tinggi. Jang sampe te, lu boto-boto takuju su di Uge-De, ko lewat o."

Diduga Pakai Obat Kuat, Pria Ini Ditemukan Tewas di Kamar Mandi Hotel

Ba'i Ndu baomong bagitu dia pu kawan ju ada makan gigi ko taku pica katawa.

"Neu, lu sumpa sa supaya be cepat lewat e. Lu ni memang sonde setia kawan batul e. Ini kawan, karmana beta sonde makan gigi, tahan napas pagi-pagi. Ini ana, katong suru dong pi sakola te, dong sonde sakola ko dong pi bakalai deng kawan dong ni," Ama Tobo baomong ju mata tetap pi loti itu koran.

"Ini ana dong susa e, dong ni ana sakola ko apa ni. Kalo ana sakola mus pikir ulang-ulang mo bakalai, ma kalo bodo tu bagini su."

Kabupaten Sikka Miliki 1.066 Pemilih Disabilitas

Ba'i Ndu takuju ko malompa dari dadegu ko pi angka ame tu koran ko baca.

"Adu teman e. Su jadi apa ni ana sakola dong ini. Mas kici su bagini, apalai dong su besar, be sonde tau baomong lai." Dong sonde perna balajar itu baomong bae-bae ko, mus pake bakalai ini.

Hanya Ingin Kuasai Harta Orangtua Angkat Ini yang Dilakukannya, Tapi Ujungnya Dipenjara 

Ina Feok yang ada kucak ame baju di rebis ruma, ju su manyao sa. "Ini dia katong sonde bisa kas sala sapa-sapa. Sakarang ni orang bilang zaman moderen, zaman millenial. Ma be rasa, kalo katong orang tua sonde jaga dan sonde ajar katong pung ana, dong akan jadi pangaco di luar sana." Ama Tobo deng Ba'i Ndu su diam sa.

"Neu, be kira ini pamarenta, polisi, orang tua, guru ju mus bakatamu ko pange ini ana dong. Mus kas tarap dong ko. Bila parlu kasi bunyi itu pohon talinga ko tobat. Jang ada yang bela, apalai mo pake itu pasal apa macam dong." (*)

Penulis: Apolonia M Dhiu
Editor: Apolonia Matilde
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved