Berita Tapaleuk

Tapaleuk : Awas Katong Dapa Denda

Dengar Ina Feok jawab begitu, Bai Ndu pamit ko pulang. Dia baru balik ko pulang te Ama Tobo togor dari belakang, jadi Bai Ndu sonde jadi pulang.

Tapaleuk : Awas Katong Dapa Denda
GRAFIS POS KUPANG/TYA MEOK
ilustrasi 

POS-KUPANG.COM--Sekarang ini, Ama Tobo su rajin kasi bersih halaman . Dia pung halaman son talalu luas,ma andia penuh deng kotoran soalnya dia tanam pohon talalu banyak na.

"Ina e, Ama Tobo su brapa hari ni, beta sonde liat. Dia ada pi mana,. Biasa tiap pagi dia su bastel ko lewat beta pung muka rumah,"

Bai Ndu berdiri di Ina Feok pung depan rumah ko baru tanya.

"Bai Ndu, Tobo su satu minggu dia son bajalan, te dia hanya urus kebersihan di rumah. Beta ju heran kenapa Beta pung laki berubah bagitu," Ina Feok omong deng Bai Ndu.

Dengar Ina Feok jawab begitu, Bai Ndu pamit ko pulang. Dia baru balik ko pulang te Ama Tobo togor dari belakang, jadi Bai Ndu sonde jadi pulang.

"Ama e, sakarang ni beta lagi fokus kebersihan lingkungan. Sakarang ini bapak gubernur su minta katong pung walikota ko perhatikan sampah di semua tempat terutama di katong pung rumah," Ama Tobo jelaskan ke Bai Ndu.

Dong tiga su seirus baomong ‎sampe su gelap,ma Bai Ndu balom mo pulang.

Ramalan Zodiak Rabu 23 Januari 2019, Aries Bertemu Seseorang yang Memesona

Borju Mencuri Berbekal Ilmu Hitam

Gempa 6,7 SR Guncang Sumba Barat, Satu Gedung Sekolah dan Rumah Warga Rusak Ringan

"Beta sakarang bersihkan dahulu beta pung halaman rumah, te supaya nanti beta omong orang pung halaman beta pung su variasi ," Ama Tobo omong kuat-kuat supaya dia pung istri yang sudah pi di dapur ju dengar.
‎Son lama te Ina Feok keluar bawa mok besar dua ko taro di atas meja. Bai Ndu kira kopi jadi dia sengaja bangun ko mo pamit.

Ama Tobo su liat Bai Ndu pung gerak-gerik ko mo pulang jadi dia langsung omong ko Bai Ndu duduk kembali.

"Ama e, itu bukan kopi te tuak yang beta iris dari siang jadi jang munafik ko sengaja bangun," Tobo sengaja omong bilang tuak lalu dia tarek Bai Ndu pung tangan.

"Katong memang sakarang harus masing-masing perhatikan dia pung halaman rumah. Kalo ada sampah musti kasi bersih. Jang sampe takuju pak gubernur lewat ko liat kotor batu katong sadar.," Ina Feok ju su mulae tambah.

Tiba-tiba Menangis, Jennie BLACKPINK Ungkap Rahasia Mengejutkan di Hidupnya. Intip Video Lengkapnya!

"Memang batul ,beta akui Ama Tobo dengan Ina Feok yang sakarang su sadar untuk jaga kebersihan. Kalo Beta pribadi beta dukung kalo pemerintah dong buat aturan supaya sapa buang kotor sambarang dia yang tau dan kena sanksi," Bai Ndu kas keluar suara.

"Nah,kalo bagitu bae biar supaya orang yang suka buang kotoran sambarang bisa kena denda,. Katong tiga ju musti hati-hati jangan buang sambarang kotoran ,Jang sampe katong yang kena denda," Ina Feok kas ingat Bai Ndu deng dia pung baptua. (oby lewanmeru)

Penulis: Oby Lewanmeru
Editor: Rosalina Woso
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved