Berita Kota Kupang

Tapaleuk : Terima Dong Pung Doi

Ama ni, beta kira orang datang cek meteran aer. Mari ko masok te beta ada dapa order sadiki

Tapaleuk :  Terima Dong Pung Doi
GRAFIS POS KUPANG/TYA MEOK
ilustrasi 

POS-KUPANG.COM--Ini hari Bai Ndu son mau bajalan pi mana-mana karna dia ada dapat proyek buat baliho. Bai Ndu ada buka usaha di dia pung rumah.

Karna dia son bajalan, andia ko Ama Tobo ada pi cek.

"Ama lu ada bikin apa sa ko son kaluar rumah ini hari,"Ama Tobo pangel-pangel Bai Ndu dari jalan.
Bai Ndu lari keluar ko liat te dia kira ada petugas yang catat meteran aer.

"Ama ni, beta kira orang datang cek meteran aer. Mari ko masok te beta ada dapa order sadiki," Bai Ndu togor Tobo ko masok.

Tobo masok,dong dua mulae bacarita soal dong pung hidop sakarang taon politik jadi samua orang rame-rame iko calon DPR.

"Ama lu lia sa, beta ini dapat order buat orang yang mo maju dewan pung baliho. Beta modal bisa buat jadi uang masok," Bai Ndu dudu pangku kaki.

Promosi Wisata Bersama, Tingkatkan Pembangunan Pariwisata Sumba

Bupati Mabar Belum Terima Hasil Pengumuman Resmi CPNS Dari BKN

Pelajar Berprestasi Akan Diprioritaskan Masuk Undana Kupang.

‎Ama Tobo deng Bai Ndu mulai bacarita lai soal calon dewan dong.

"Sakarang ini, beta liat calon dewan dong rame kampanye deng bagi stiker tamba baliho. Ada juga yang janji mo bantu apa sa kalo nanti terpilih," Ama Tobo omong karna dia ju perna calon dewan.

Ama Tobo tadi jalan son kastau Ina Feok, jadi Ina Feok ada jalan bacari.

Mungkin dia tao Tobo di Bai Ndu pung rumah andia ko dia pi langsung dapa.

"Ama lu ni tadi pulang ju sonde son kastao bilang mo singga di Panti asuhan." Ina Feok taro nasehat pi dia pung laki.

"Ina deng ama, beta pung prinsip, kalo sapa datang ko mo kampanye beta tarima. Kalo ada yang bawa doi, katong tarima sa," Bai Ndu mulai tagoyang.(‎oby lewanmeru)

Penulis: Oby Lewanmeru
Editor: Rosalina Woso
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved