Berita Tapaleuk

Tapaleuk :‎Jagong dong su Layu

Dong dua pi beli keperluan dalam rumah te tao to mo natal bukan hanya bikin bae hati te juga bikin bae ‎rumah dong.

Tapaleuk :‎Jagong dong su Layu
GRAFIS POS KUPANG/TYA MEOK
ilustrasi 

POS-KUPANG.COM--Ama Tobo deng dia pung bini ini tao foe apa ko dong dua pi belanja naek grab.
Biasa dong pake ojek biasa, ma son tao in hari mungkin bulan bae.

Dong dua pi beli keperluan dalam rumah te tao to mo natal bukan hanya bikin bae hati te juga bikin bae ‎rumah dong.

Bai Ndu firasat betul jadi in pagi ju dia sonde pi bertamu di Ama Tobo.

Biar bagitu ma dia lur -lur ko liat jang sampe Ama Tobo dong pulang.

Balom apa-apa te grab su parkir di ‎Tobo dong pung depan rumah.

Jadi Pria Paling Tampan di Dunia, Inilah 10 Potret Jungkook BTS di Panggung MAMA 2018

Pas dia dapa liat jadi dia langsung pi. Bai Ndu sampe ju Tobo sengaja sibuk batelpon.

"Ama, ini hari bosong nae grab o, berarti Ina su terima TeHaEr ko," Bai Ndu tanya Tobo ma dia pung muka liat Ina Feok.

"Sonde ama, tadi tu, beta iko pi pasar karna mo beli jagong bibit untuk tanam. Soalnya ‎katong su tanam ma andia son ada ujan jadi, banyak jagong su merana," Ina Feok su omong sama dia pung lai.

"Batul Ina sakaang hujan ju sonde batul, jadi katong pung jagong banyak su layu. Kalo sampe abis taon son ujan na pasti mati samua itu jagong," Ama Tobo bangun togor Bai Ndu te dia mo pi kebun, (oby lewanmeru).

Penulis: Oby Lewanmeru
Editor: Rosalina Woso
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved