Tapaleuk

Ini Kota Musti Barisi

Su mo satu minggu ini Bai Ndu di jalan tarus ko abis dia musti kasi bersih itu got dong ko aer jang tergenang.

Ini Kota Musti Barisi
GRAFIS POS KUPANG/TYA MEOK
ilustrasi 

POS-KUPANG.COM--Su mo satu minggu ini Bai Ndu di jalan tarus ko abis dia musti kasi bersih itu got dong ko aer jang tergenang.

Apalai su musim ujan bagini, jalan pono deng aer,

Bai Ndu su bosan ma karna dia yang koordinator kasi bersih na.

"Ama e, su mo satu minggu lebih ni lu di mana ko beta son dapa liat. Beta kira lu ada pi tugas luar daerah," Ama Tobo ‎tanya Bai Ndu.

"Ama lu sama ke son tao sa, kalo su musim ujan bagini pasti beta harus kontrol di jalan,te kalo sonde bisa dapat mangamok dari bapa walikota," Bai Ndu jelaskan di Tobo.

Tobo yang dengar dia hanya bikin mata melotot sa.

Baca: Fraksi Partai Demokrat Minta Perhatian Pemprov Soal Hak-hak Ulayat Masyarakat Adat

Baca: Anda Ingin Melakukan ke Benoa Menggunakan Kapal Pelni ? Ini Jadwalnya!

Baca: Anda Ingin ke Larantuka, Ini Jadwal Kapal Fery !

Padahal, Tobo su tao kalo Bai Ndu itu koordinator petugas untuk kasi bersih jalan dong.

"Beta hanya maen gila sa, ko abis beta sonde dapa liat lu na. Su dua hari beta pi ‎duduk di pak laru sandiri ko lu sonde ada na andia ko beta tanya," Ama Tobo bangun ko ajak Bai Ndu masok te ujan su turun.
Dong dua duduk ma andia sonde ada rokok karna ujan jadi ada yang pi beli. Biasa kalo dong dua duduk pasti su babagi rokok.

"Ama, coba ujan bagini lu maloi coba di muka te jang sampe aer su masok dalam ‎," Ina Feok suru dia pung laki pi liat te dong pung ruma ada bocor.

Baca: 55 Desa Sudah Terlayani Perekaman E KTP Dinas Kependudukan Sumbar

Baca: Rumah Milik Modetus Watu Abis Dilalap Api

Baca: Urus Anak sampai Sarapan Sendiri, Beginilah Kegiatan Ruben Onsu Sejak Istrinya Hamil

Ama Tobo hanya pi maloi sa abis dia su kambali ko bacarita deng Bai Ndu.

"Ama katong sakarang ini musti jaga kebersihan di ini kota. Beta minta bantuan ama dong yang tinggal di pinggir jalan raya ini jang buang kotoran sembarang," Bai Ndu su nasihat Ama Tobo.

"Batul beta satuju, biar ko ini kota bersih te kalo sonde orang liat kota ma pung kamomos lai," Ina Feok dari tadi ada dengar Bai Ndu dengan Tobo baomong andia ko dia tersampat.

Ama Tobo dalam hati kalo dia diam-diam nanti Bai Ndu deng dia pung maitua pikir dia sonde dukung kota bersih.

Baca: Info Sehat Bagi Perokok. 7 Makanan Ini Bakal Bikin Hapus Nikotin dalam Tubuh. Jangan Telat!

Baca: Suara Hati Gisella Anastasia : Maunya Akur Sama Mas Gading

"Beta lebe satuju, ini kota musti barisi dari kotoran-kotoran. Karna itu beta ju dukung kalo Bai Ndu su tiap hari jaga ana buah dong angkat sampah," Ama Tobo omong ma dia pung ekor mata malerok dia pung bini ko suru bikin kopi panas kasi dia deng Bai Ndu.(oby lewanmeru)

Penulis: Oby Lewanmeru
Editor: Rosalina Woso
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved