Hoby Olahraga

Laporan Reporter POS KUPANG.COM, Sipri Seko

POS-KUPANG.COM|KUPANG---AMA Tobo duduk ko puku testa. Baitua pusing deng dia pung bapak. Baitua biar tua begitu ma kalau bilang bola voli, maen di mana sa dia pi nonton.

Kemarin ada maen voli di GOR orang bacarita rame bilang baitua maso dalam lapangan ko iko protes. Sonde kenal ini pemaen deng pelatih dong, ma baitua fanatik mati na. Wasit tiup apa sa, baitua bilang salah na.

" Ini anak dong dari kampung semua. Basodara dong pung anak. Kermana ko beta son dukung. Mati na mati. Beta sonde takut memang. Ko dong mau apa ju."

Ama Tobo kapala sakit dengar dia pung baoa omong begitu. Ontong sa Ina Feok ju iko nonton andia ko togor baitua. Kalau sonde te hal besar. Polisi su masok ko mau hela baitua na.

"Baitua talalu hoby bola voli. Apalai kalau dari dia pung yang maen, di lubang mana sa dia pi na. Ini wasit dong pung nama kebun binatang semua. Ko orang tua na, jadi dong son beken apa-apa. Ma andia ko kitong yang malu. "

Ama Tobo don baru abis iko kegiatan. Semua kabupaten datang di Kupang ko olahraga. Nonton sampe puas.

"Semoga dong pulang latihan tambah lai. Anak-anak talalu bagus na. NTT potensi talalu banyak. " (*)