Mahasiswi Bawa Kondom di Tas

Sakarang su nae kana masalah bagini baru hela bawa banya orang. Makanya laen kali mo beken apa-apa, itong bae-bae.

Mahasiswi Bawa Kondom di Tas
Ilustrasi
Ilustrasi 

"SETAN alas sapa pung kariang tu. Bosong su sonde ada hati lai ko. Giliran enak, bosong urus sandiri. Sakarang su nae kana masalah bagini baru hela bawa banya orang. Makanya laen kali mo beken apa-apa, itong bae-bae."

Ina Feok baca korang ma mangomel. Maitua ada baca berita orang kena operasi. Ada anak nona, mahasiswa lai. Polisi dong nae katumu dia di tampa sonde bae. Di dalam tas, isi kondom. Balom ada suami, ma pi mana-mana bawa kondom na.

Maitua paling gigi asam kalo bagini. Biar hanya bidan kampung sa, ma Ina Feok ada sertifikat dari dinas kesehatan na. Maitua jadi kader ju di posyandu. Andia ko maitua ada manoso tenga mati ke mo papoko orang.

"Sekarang ni yang beken bagini dong pikir ada bae. Dong beken satu kali sonde ada yang tau, beken ulang lai. Nae kena batu baru kepala pusing. Laen kali na kalo orang togor na dengar."

Ina Feok mengamok ke ada itu orang dong di dia pung muka. Maitua su omong sembarang sa. Gara- gara emosi Ina Feok bangun deng mata tatutup. Maitua sonde lia ini lemari ko lari nae. Ina Feok pung mata manyala memang. Maitua tondok ko liat tulang kering te dara su malele. Aer mata dong taduduk. Padis sampe di ulu hati.

Ama Tobo yang dengar Ina Feok jato, lari maso pi dalam. Ama Tobo koko kas bangun Ina Feok ais kasduduk di atas karosi. Ama Tobo ame aer panas ko tatobi sang Ina Feok pung kaki. Andia sakit ma Ina Feok mangomel trus. **

Penulis: Sipri Seko
Editor: Sipri Seko
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved