Lebe Necis Pelajar Ame Amplop Pake Kabaya

Laporan Wartawan Pos Kupang.Com, ferry Ndoen

BETA sanang karna ada sajumla sakola yang suru dia pung ana murid dong pi ame amplop kelulusan di sakola deng pake baju kabaya untuk yang kalamin parampuan, dan untuk laklaki guru suru pi sakola pake baju adat saat ame amplop lulus.

"Bet suka ada sajumla sakola yang dia suru ana murid pi dengar lulus deng pake baju kabaya dan pake baju adat. Ini supaya na ana anak dong jang terpengaruh deng aksi core-moret yang suka dilakukan anak sakola usai dengar pengumuman kelulusn," kata Bai Ndu.

Ina Feok ju satuju deng omongan Bai Ndu.

"Beta liat ada sakola yang anak muridnya cukup santun... dong pi dengar ame pengumuman kelulusan bawa deng orangtua.... apalaiiii... dong kumpul di aula sakola pake acara misa ato kebaktian... setela itu baru dengar ame pengumuman hasil kelulusan.... ini ju bae karna ana-ana dong abis itu langsung pulang ke ruma dan son ba coret ame baju," kata Ina Feok.
Ini bararti katong sepikiran, seide dan sepaham, tapi jang sehati..., karna katong bukan suami istri ha.. ha. kata Bai Ndu mulai bagoda deng Ina Feok. (ferry ndoen)