Mol Tumbu Sama ke Jamur di Koepang

Biar ko katong pung ana-ana yang su sarjana tapi masi tanganga dan masi manganggur kow bisa dapa karja," kata Bai Ndu.

Mol Tumbu Sama ke Jamur di Koepang
POS KUPANG/YENI RAHMAWATI TOHRI
Dua orang SPG mengapit mobil Sienta di LIppo Plaza Kupang, Minggu (14/8/2016) 

Laporan Wartawan Pos Kupang.Com, Ferry Ndoen

BET lia Kota Kupang terus berkembang pesat ekonominya.. Kota ini makin berkembang bisa katong liat su banya yang mow buka lai itu mol ato pusat perbelanjaan seperti carrefour ato orang kupang bilang kerefur.

Bai Ndu sambil baca ame koran dia ma ale siri pinang sambil basumbur luda mera di depan teras ruma.

"Bet jua su liat, katong son lama laiiii mungkin bulan su ada tanpa balanja baru di Kota Kupang. Itu namanya kerfur. Ini nanti kerfur akan lebe lengkap karna selain ada pusat perbelanjaan tapi juga ada pusat permainan yang canggi," kata Ina Feok ikot bata tamba bumbu.

Bai Ndu yang dengar Ina Feok pung penjelasan, dia ju takuju karna Ina Feok cukup cepat dapa informasi A satu.

"Ternyata lu pung intelejen dan informasi ju a satu wooww... Tapi bet memang suka kalo Kot Kupang semakin banyak dibangun pusat perbelanjaan karna nanti orang dari negara tetangga Timor Leste, juga dari kabupaten-kabupaten di eN Te Te.... son parlu laiiii ...pi balanja sampe ke Jakarta ato ke Pulo Jawa... lai.. cukup balanja di mol di Kupang saa... su ada Ramayana Mall, Lippo Plaza dan Hypermart... nanti kao su ada kerfur... lai nanti tamba rame," kata Bai Ndu.

Ina Feok ju sanang karna nanti Kot Kupang bisa capat jadi kota metropolitan.

"Apa laii lu bisa lia skarang kalo hotel-hotel basar sakarang nih...su tumbu macam ke jamur sa di Kot Kupang. Kalo lima ato anam taon lalu, mau buat acara ato even nasional di Kot Kupang pung susa laiiii.... karna hotel bintang masih kurang. Tamu datang saribu orang sa su susa... cari kamar. Tapi kalo sakarang hotel bintang su tumbu ke jamur sa," kata Ina Feok.

Bai Ndu ju kasi masukan kalo semakin banyak hotel dan pusat perbelanjaan maka bisa serappp... tanaga karja yang masi banya menganggur.

"Biar ko katong pung ana-ana yang su sarjana tapi masi tanganga dan masi manganggur kow bisa dapa karja," kata Bai Ndu.

Ina Feok liat ame Bai Ndu pung sarius... dia mulai goda... katong baomong tapi lu keliatan sarius mo mati sa.... lebe baeee. katong eo kopi ko masko deng makan pisang goreng panas- panas... (ferry ndoen)

Penulis: Ferry Ndoen
Editor: Ferry Ndoen
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved