Pedagang Jual Ikan Berformalin

Laporan Wartawan Pos Kupang.Com, Ferry Ndoen

POS KUPANG.COM, KUPANG - AWIIII... Bai Ndu tarek panjang karna takuju dia lia ame itu ikan tembang pung warna yang su bakuning sama ke warna formalin untuk kas awe mayat tapi itu ikan masi di jual pedagang di tepi jalan raya di sala satu pasar di Kota Kupang.

"Bet son mau sebut itu lokasi pasar pung nama.. tapi itu pedagang dong jual ikan jenis tembang yang warna su bakuning deng bau formalin yang tajam. Itu ikan su simpang berminggu minggu tapi son rusak," kata Bai Ndu.
Ina Feok yang dengar ame Bai Ndu pung baomong ju dia ikot takuju...

"Ini dong jual ikan tembang ko dong jual peti mati ato jual peti mayat kasi masarakat.... Bet lia ini bukan semata karna mau cari untung tapi beta menduga jang sampe ini aiduga ada unsur kesengajaan," kata Ina Feok.

Bai Ndu dan In Feok sapakat kow aparat kepolisian usut asal usul ikan 'peti mati' alias berformalin yang dijual pedagang.
"Ikan rusak sperti itu mestinya dibuang bukan direndam dengan formalin kow biar ikan awet.... ini kalo masarakat makan...

hanya dalam tempo singkat bisa jadi panyakit... gagal hati, gagal jantung... gagal ginjal dan bisa kena sakit kanker," kata Ina Feok.

Dengar Ina Feok mangomelll..panjang lebar.. Bai Ndu kambali inga... beberapa taon lalu, aparat Polres Kupang sempat sita ame formalin di drum yang dipakai pedagang yang produksi mie basa.. yang produksi di depan asrama Brimobda NTT, di Jalan Timor Raya, Kota Kupang.

"Bayangkan... bet mas inga dolu.. ada pedagang mie basa yang produksi mie pake campur deng formalin kow kas awet mie... tapi polisi su garebek ame ko sita formalin dalam drum untuk pake kas awet mie basa," kata Bai Ndu.

Ina Feok dan Bai Ndu berharap kow petugas intelejen bagian ekonomi yang bagini banya kow bisa car tau kow tangkap ame pedagang yang jual ikan su pake pengawet formalin.

"Bet dengar ame itu ikan tembang dan kombong juga ikan belang kuning pake formalin dong bawa dari Pulo Flores kow juga di pasar ikan di Koepang. Ini jadi tugas polisi untuk selidiki dan tangkep ame pedagang ikan," kata Bai Ndu. (ferry ndoen)