Jual Ikan Kow Peti Jenaza

Laporan Wartawan Pos Kupang.Com, Ferry Ndoen

BET gigi asam deng cara baku ganggu dan bacanda penjual ikan ato papalele di Pasar Ikan di pinggir pante Oeba...Kot Kupang.

"Abis beta dengar langsung beberapa papalele ikan yang bajual ikan di pinggir Pante Oeba, kamarin pagi mas pukul 06.30 wita... dong maen gila bilang bagini... basong ni jual ikan kow jual peti janazah.. pedagang ikan laen yang bergerombol di pinggir pante Oeba ju ikot katawa," kata Bai Ndu sambil makan gigi.

Ina Feok yang dengar Bai Ndu baomong soal pedagang ikan yang maen bagangu dengan cara itu ju ikut gigi asam.

"Ohhh... ternyata betulll.. eee.... kalo selama ini banyak pedagang ikan bahkan nelayan yang datang ba jual ikan di pinggir Pante Oeba ba jual ikan mengandung formalin. Dong baganggu sesama pedagang ikan kalo basong nihhh... jual ikan kow jual peti jenaza ke ke masarakat," kata Ina Feok yang ikot batamba.

Bai Ndu ju son tahaann emosi...
"Abis beta dengar langsung sandiri dong pung baganggu antar pedagang di pinggir Pante Oeba seperti itu sambil potong ikan pari.... Awiii basong nihhh jual ikan kow jual peti jenaza," kata Bai Ndu mengutip nelayan dan pedagang Pante Oeba.

Ina Feok langsung angka suara..... dia minta kalo bisa pak Walikota segera bertindak deng ame sikap segera koordinasi deng muspida Kot Kupang segera undang Bale POM NTT, juga Dinkes Kot Kupang dan aparat kepolisian kow pi pareksa ame deng sita ikan yang berkemungkinan ato diduga su direndan pake formalin untuk kas awet ikan.

"Lu jang baomong saaa... kalo kurang parcaya na pi lia ame it ikan di PPI di Pante Oeba. Itu ikan pung daging samua su ba puti ame... tapi sonde bau... Ini jang sampe ikan dong su kena rendam formalin. Katong minta pihak Bale POM NTT dan Dinkes Kot kupang dan kepolisian coba kow turun ame sampel ikan ko priksa.

Karna bet liat banyak ikan yang dibawa nelayan dari Pulo Falores... su warna kuning dan ikan pung badan su kembung deng bakaret. Ikan ju son rusak dan son bau... karna diduga su kena rendam deng formalin," kata Bai Ndu. (ferry ndoen)