Pegang Ro'o It Parampuan

Laporan Wartawan Pos Kupang.Com, Ferry Ndoen

POS KUPANG.COM, KUPANG - BET baca ame kalo pelaku dua kasus yang buang bayi sampe saat ini balom ju katamu pelakunya oleh polisi. Ini yang bekin beta gigi asam sa. Bet rasa mau robek ame sa it parampuan yang su bagatal lalu tega bunu ko buang dia pung bayi hasil mesum galap.

"Bet rasa labu sa ada hati tapi in manusia son ada hati. Mau bilang ini parampuan jenis binatang ju tapi binatang ju ada hati... jadi itu parampuan bukan manusia tapi setan," kata Ina Feok angka bicara

Bai Ndu dengar Ina Feok mengonel sambil babanting koran Pos Kupang dia ju tahedek.

"Beta ju su baca ame barita di Pos Kupang in hari kalo parampuan yang buang dua bayi tu polisi balom tau di pung pelaku. Bet rasa kalo katamu na pegang ko ro'o itu parampuan. Saat dong bekin cuma inga enakkk mo matiiii... sa sampe mata puti tabulabale.

Tapi bagitu su bunting... baru takuju ko mulai panik...Padahal... kalo dong su bunting dan dong son mau it ana ... na biar sa melahirkan bae-bae abis itu na pi kasi sa itu anak orang laen piara... karna ada banyak orang yang bekin anak tapi son tau jadi jadi. Ato itu anak kasi sa di panti asuhan..," kata Bai Ndu.

Ina Feok cum katawa... Itu su dong pung hebat.. kalo buat sambunyi sambunyi deng takut takut tapi sonto sadikit sa langsung bunting... tapi ada yang su bekin tarang-tarang su nika resmi dan su ba rumah tangga... tapi sonto ulang ulang tiap hari dan bekin mau model gaya apa sa tiap hari tapi son tau jadi-jadi dan son tau bunting ju....sperti semprot air putih ksong son ada pung harga ko tabuang parcuma saaa...," kata Ina Feok sambil katawa. (ferry ndoen)