Tapaleuk

Kot Kupang Bisa Ancor

Dari pada ribut dari tampat tidor sampe kamar mandi lalu pinda baribut pi dapur... lebe bae beta pi bagoyang di El Tari ko pulang su cape na minum kop

Kot Kupang Bisa Ancor
Ferry Ndoen
GOWES MARINIR-- Pegowes maniak dari klub BWS NT II turut ambil bagian mengikuti lomba gowes HUT ke 70 Marinir, di area car free day, Jalan El Tari, Kupang, sabtu (12/12/2015) 

BAI NDU in tipe orang yang super tau.. sampe-sampe kadang su sama ke tahu sa. Tapi kalo yang dia omong ada yang benar ju karna dia jenis orang yang tau sadiki untuk banyak hal.

"Bet... son bayangkan laiii karmana..ee kalo hasrat ina-ama, to'o-ti'i, bapa-mama, tante-om masarakat Kot Kupang yang tasumbat alias son tersalur. Pasti Kot Kupang bisa maladak dan bisa kaco-balo dimana-mana. Bisaterjadi ledakan panyakit masarakat ato pekat di mana-mana," kata Bai Ndu umpan sam Ina Feok.

Lu... mulai foeee... su. "Kalo mau baomong deng kas kaluar unek-unek na tapa su. Jang tahan-tahan lai. Baomong sa ko biar tuntas dan hati jadi plong son sakit kapala," kata Ina Feok.

Bai Ndu mulai angka gas baomong su ke mulu panta bebek.. "Beta bersyukur karna Walikota Kupang, to'o Jonas Salean pung ide cemerlang buat masarakat Kot Kupang. Dia tutup Jalan El Tari satiap Sabtu untuk car free day. Biar cum ampat jam sa, ma ribuan warga tumpa rua di Jalan El Tari deng sagala macam kegiatan deng aktivitas. Ada yang bawa anjing, maen sapatu roda, naek sepeda, goyang dangdut, goyang zumba, sampe goyang hot. Samua janis goyang kalo Ina Feok mau liat... tiap Sabtu pi cuci mata sa di El Tari," Kata Bai Ndu.

Bai Ndu langsung inga karmana kalo dia pung hasarat tsaumbat son tersalur deng dia pung maitua... maka dia pung kapal sakit dan dia pung tampa cum pi olaraga satiap Sabtu di car free day di Jalan El Tari.

"Dari pada ribut dari dengan maitua di tampat tidor sampe kamar mandi lalu pinda baribut pi dapur... lebe bae beta pi bagoyang di El Tari ko pulang su cape na minum kopi panas, lalu mandi ko tidur. Bet bayangkan kalo bapa-mama, to'o-te'o, ti'i, ina-ama yang nota bene warga Kot Kupang kesal lalu it hasratnya son tersalur ato son kaluar deng son ada tampa untuk lampiaskan,... in Kot kupang bisa ancor balau dan bisa maladak karna ulah masarakat yang tasumbat hasratnya," pungkas Bai Ndu. (ferry ndoen)

Penulis: Ferry Ndoen
Editor: Ferry Ndoen
Sumber: Pos Kupang
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved