Ina Feok ju iko sedih karna dia pung laki ke sonde ada semangat idop. "Papa jang talalu sadih. Kalo bagini tarus ketong son bisa bekin apa-apa lai," Ina Feok coba hibur dia pung laki.  Ama Tobo hanya diam sa, lak laki su sonde tahan lai kalo pamarentah dong sonde bisa amankan. Baptua yang dari tadi duduk deng dia pung bini  di teras depan, mulai buka mulut.

"Begini mama, kalao su perang begini sonde ada yang bisa mengatasi kecuali deng cara adat. Tapi su bagini pemerentah jang tutup mata, harus bisa mencari jalan kaluar, supaya samua bisa enak."

Dong dua laki bini lagu dudu sante. Ama Jola muncul dari rebis rumah. Lak laki baru pulang kerja langsung batanya dia pung kaewan Ama Tobo. " We bu barapa hari ini ada pi tugas dimana o... Ini hari beta baru liat bu pung muka." 

Ama Tobo hanya senyum sa. "Beta son pi mana mana bu. Beta pung badan sonde enak jadi hanya main di dalam rumah sa."

"Bu..! Belum tau ko. Kitong pung daerah NTT ini sakarang perang dimana-mana. Di Oesapa mahasiswa deng mahasiswa. Di Fatuleu deng Adonara perang. Makanya baitua pikiran jadi son parnah kaluar rumah su barapa har ini," Ina Feok ju iko tamba.

Ama Jola sangaja kaget. "Bagitu ko...! Kalo su begitu pamarentah dong jang diam sa... Capat ambil sikap ko kas selesai samua. Jang hanya pamarentah daerah sa... Ama Lebu Raya ju harus turun lia.

Ama Tobo, yang dari tadi hanya dengar dong dua baomong, bangun badiri ko mulai boto-boto. Kalo pamarentah sonde bisa selsesaikan sapa lai. Mau harap sapa yang kas dame sang dong. Bosong jang bilang itu tugas polisi. Jaman sakarang sonde bisa diselesaikan dengan hukum sa harus deng upacara adat. Kalo sonde pasti akan foe lai." (thomas duran)