Berita Tapaleuk

TAPALEUK : Nyamuk Ada Banya Ni

"Neu, lu pung mata biji pi tivi sa tarus. Lu son usa lia ko ada tu nyamuk yang gigi ame lu pung badan dong."

TAPALEUK :  Nyamuk Ada Banya Ni
ilustrasi/hipwe
foging 

AMA Tobo deng Ba'i Ndu dudu son tanang. Dong dua bakosi sana-sini. Sabantar- sabantar garu kaki, tangan, ais dong papoko pi datang.

Ina Feok yang ada malotot mata biji di muka tivi ju su nae dara sa.

"Ko basong dua ni, son bisa tanang ko, dudu diam-diam ko. Dari tadi be lia basong papoko apa sa e." Ina Feok mangomel ju, ma mata biji tatap pe'e di muka tivi ko nonton sinetron 'Cinta Suci."

Festival Adminstrasi di SMKN 1 Ende Diisi Dengan Berbagai Kegiatan

Mamtua sonde nodek ju deng nyamuk yang gigi ame dia pung kaki dan tangan. Ama Tobo yang maloi dia pung bini di muka tivi ko su angka suara.

"Neu, lu pung mata biji pi tivi sa tarus. Lu son usa lia ko ada tu nyamuk yang gigi ame lu pung badan dong. Nanti takuju su panas ko mera-mera di kulit dong baru lu takuju ko bilang kena De-Be-De."

Ina Feok yang kana masparak dari dia pung laki ko su malompat sa dari tampa dudu.
"Adu bapa sayang e, te lu jang baomong itu barang te. Beta ni ju taku deng itu panyakit te. Lu mau beta mati sedu ko?"

Ba'i Ndu yang ada ma'ale itu siri ko su sanyum-sanyum lia itu laki bini pu kalakuan.

"Neu, katong ini ada papoko nyamuk te. Lu tau, ini katong pung orang ni, ada yang sonde mau pamarenta mo kas foging ko apa ko dia pu nama.

Teenager : Ini Tips dan Kata Mutiara Agar Kalian Tidak Grogi Nembak Si Dia

Katong ni kalo buta huruf tu, jang kapala batu. Sabantar ada apa-apa bar kasi sala pamarenta." Ba'i Ndu baomong ma dia pu tangan ju masi batapuk itu nyamuk dong di rebis ruma yang talalu banya.

Ina Feok dengar dia pung laki pung konco omong ju su pi luar ko bagabung.
"Itu dia, katong pung orang ni. Kalo sonde mangarti tu, orang beki apa tanya ko bae- bae. Ini mau batolak hela sa ni.

Jarang Mandi dan 5 Kebiasaan Jorok Ini Berdampak Positif Bagi Kesehatan, Apa Saja Itu?

Beta besok su pi ame ke kantor walikota ko mo pi kastau supaya dong datang samprot deng katong pung lingkungan do. Ini sakarang nyamuk ada banya ni. Beta taku itu saki De-Be-De."

Ama Tobo deng Ba'i Ndu su diam sa, ko dong tau mamtua kalo su baomong bagitu, besok dia pi batul na. (*)

Penulis: Apolonia M Dhiu
Editor: Apolonia Matilde
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved