Tapaleuk

PeEsKa Su Nekat

Ama Tobo sebenarnya su bertobat ko dia sakarang son mo minum laru, apalai moke. Tapi tao kanapa ko ini hari dia

PeEsKa Su Nekat
GRAFIS POS KUPANG/TYA MEOK
ilustrasi 

POS-KUPANG.COM - Bai Ndu deng Ama Tobo su berapa minggu dong dua loyo sekali, ko biasa papagi dong dua su dudu bakutu di pak laru dekat lokalisasi sana. Tartao ini hari dong dua son kas tunju muka idong.

Ama Tobo sebenarnya su bertobat ko dia sakarang son mo minum laru, apalai moke. Tapi tao kanapa ko ini hari dia ada semangat matipung, karna ada dapa info bilang sakarang pemerentah dong son larang bajual sopi.

"Ama lu su dua hari loyo. Biasa lu pagi-pagi duduk semangat ko su antar abis Ina Feok ke pasar pasti su lu ajak beta pi pak laru," Bai Ndu omong ma dia ju sama.
Ina Feok yang ada dengar-dengar langsung mangomel karna dia su terlambat pi pasar.

Ternyata dia balom jalan ju.

Ramalan Zodiak Hari Ini, Sabtu 15 Desember 2018, Aquarius Batasi Pengeluaran, Aries Bersantai

Drakor Clean With Passion For Now Rating Tertinggi di Episode 1, Malam ini Episode 2 Tayang

Gaji PNS 2019 Naik, Mau Tahu Berapa Kenaikan Gajimu, Lihat Tabel Resmi dari Pemerintah

"Bosong dua satu merek. Jang sampe bosong dua ada pikiran karna pak Walikota ada mo tutup itu KaDe," Ina Feok omong kuat-kuat ko ada orang lewat dengar.

"Ina e, bukan bagitu,katong ada heran, kenapa pemerentah rencana mo tutup itu tampa,ma andia itu orang dong tetap protes," Bai Ndu kastunjuk koran di Ina Feok.

"Nah ko dong kenapa ko sonde mo tutup. Pemerintah su omong pasti harus iko, apalai beta dengar bapa Walikota sonde kompromi lai te tahun baru itu tampa su musti tutup," Ina Feok sonde mo kalah.

Ama Tobo yang dari tadi diam te takuju dia mulai angka suara. "Beta su mo satu minggu ini beta ikuti di media juga perkembangan. Itu PeEsKa dong son mo mengalah dong tetap bersikeras karna dong bilang cari idop na," Ama Tobo omong ma sonde liat di Ina Feok.

"Nah,ama lu sonde tao ko, beta ada dengar dong nekat di bugil di depan katong pung Walikota, kalo nanti dong ditutup," Bai Ndu yang ada baca koran sambil omong.
Ina Feok yang pas mo bangun pi dapur hanya goyang-goyang kepada ko bilang itu PeEsKa dong kayaknya su nekat. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved